viernes, 6 de noviembre de 2026
Este novo volume reúne cinco artigos de investigación e unha recensión, consolidando o perfil da revista como un espazo dedicado á investigación en lingua e literatura galegas, especialmente orientado a dar visibilidade ao traballo das mozas e mozos que están arrancando a súa traxectoria investigadora.
“O balance desta primeira década non pode ser senón positivo”
O número ábrese cun artigo asinado polo editor da publicación, o profesor da Facultade de FiloloxÃa e Tradución Xosé A. Fernández Salgado, titulado Dez anos de FiloloxÃa Galega na revista 'umieira (2016-2025). Nel realÃzase un percorrido pola traxectoria da revista desde a súa fundación, destacando o seu papel como plataforma para o diálogo entre tradición e renovación metodolóxica e facendo balance das temáticas, metodoloxÃas e autorÃas que marcaron a primeira década da publicación.
“Con este décimo volume, Cumieira cumpre o propósito co que naceu: servir de lugar de encontro entre a investigación académica consolidada e a investigación emerxente, entre o rigor cientÃfico e a aprendizaxe formativa”, salienta Fernández Salgado. “O balance desta primeira década non pode ser senón positivo”, engade o autor, pondo sobre a mesa a cifra que avala a traxectoria destes dez anos de revista: “máis de medio cento de artigos que revelan a vitalidade da FiloloxÃa galega actual e a súa capacidade de renovarse con novas voces, na súa maiorÃa femininas, temas e métodos”.
Da transmisión familiar do galego ao seseo no sur de Pontevedra
A continuación, Sandra Comesaña Pires analiza as estratexias e dificultades das familias viguesas na transmisión do galego ás novas xeracións desde a perspectiva da polÃtica lingüÃstica familiar. O estudo sinala o peso dunha contorna social castelanizadora e defende a inmersión escolar en galego como unha medida clave para garantir a continuidade da lingua.
No ámbito do contacto lingüÃstico, Natalia Otero Oubiña examina o castelán de Galicia presente na coñecida serie Fariña. O traballo describe os trazos fonéticos e morfosintácticos máis galeguizados desta variedade e destaca como estes contribúen á verosimilitude dos personaxes e á visibilización do fenómeno coñecido como castrapo no audiovisual galego.
Pola súa banda, Ariel Quintela Sesar aborda a cuestión terminolóxica cun estudo que presenta a primeira proposta sistematizada de termos vinculados á realidade LGBT+ en galego. A investigación baséase, neste caso, nun corpus representativo e nunha análise morfolóxica e semántica destinada a establecer as bases dun futuro dicionario monolingüe neste ámbito.
O volume complétase co artigo de Olalla Vizoso González, que presenta os resultados dunha investigación xeolingüÃstica sobre o fenómeno do seseo nos concellos de Tui e Tomiño. O estudo cartografa esta caracterÃstica dialectal a partir dun corpus oral recollido entre falantes de idade avanzada de diferentes parroquias da zona.
A publicación péchase cunha recensión de Silvia Miguélez Trabazos sobre o libro A fala de Vigo. Trazos diferenciais da variedade dialectal do Val do Fragoso, da autorÃa do profesor Xosé-Henrique Costas, director do Departamento de FiloloxÃa Galega e Latina da UVigo.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os dÃas 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
