viernes, 6 de noviembre de 2026
Desde este luns pode verse no campus de Ourense a exposición Mo(ve)mentos, composta por imaxes das residencias artÃsticas desenvolvidas en A Casa Vella. Esta mostra, indican desde a súa organización, “é unha selección de instantáneas de gran formato que amosan momentos de especial conexión entre o corpo en movemento e a paisaxe circundante de A Casa Vella”.
O proxecto de A Casa Vella, ubicado na aldea de Amiadoso, en Allariz e en plena reserva da biosfera, concÃbese como unha casa de creación artÃstica capitaneada polo artista visual Rubén Vilanova e a bailarina e coreógrafa Nuria Sotelo. A iniciativa está financiada con cargo aos fondos da UE e o Plan de Recuperación e Resiliencia e apoiada pola Xunta de Galicia a través da Axencia Galega das Industrias Culturais. Abriu as súas portas no 2021 co obxectivo de ser un espazo de referencia a nivel de creación artÃstica, innovación social e pensamento en diálogo co territorio, “dando un pulo ao tecido cultural e ao contexto rural cara novos paradigmas que nos achegan a modelos europeos vangardistas e sostibles que asocian cultura, natureza, benestar social, desenvolvemento rural e excelencia profesional”.
Imaxes-revelación
No marco desta liña de traballo, a exposición Mo(ve)mentos, situada na entrada do Edificio de Ferro do campus de Ourense, amosa unha selección dos centos de fotografÃas realizadas durante varios anos por Rubén Vilanova nas que se documenta o paso dos e das artistas residentes. Están desde Guilherme Morais (Brasil) e Alejandra Balboa (Galicia) ata Neønymus (Castilla y León) a Tania Garrido (Madrid).
Neste “valioso arquivo de indubidable valor estético” do que se amosa unha pequena parte agora no campus hai “imaxes-revelación que capturan relacións poéticas entre o corpo, a natureza e o patrimonio, as cales propoñen novas lecturas do noso territorio e abren novas sensibilidades”. Na exposición, indican desde A Casa Vella, poden verse “pequenas revelacións nas que se confirma a intuición: que o movemento pon en común os corpos, os ecosistemas e a arquitectura e que somos parte da mesma paisaxe”.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os dÃas 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
