miércoles, 3 de diciembre de 2025
O congreso mantén aberto ata o 24 de agosto o prazo de presentación de traballos, dirixido a reunir os estudos que se presentarán nas diferentes mesas de comunicación dos catro bloques que estruturan este evento, que combinará novamente o seguimento presencial e virtual.
Coas investigadoras da Facultade de Comunicación Montse Vázquez e Julia Fontenla como directoras, o congreso manterá o formato definido na súa primeira edición, articulando a súa programación en catro bloques, centrados “en cada unha das especialidades do Campus Crea”, como sinalan desde a organización. En cada un destes bloques, as mesas temáticas de presentación de comunicacións veranse complementadas á súa vez por conferencias de académicos e profesionais, asà como por outra serie de actividades dirixidas a explorar as aplicacións da creatividade e as súas conexións con arte, deseño, comunicación e educación.
Promovido polo Campus Crea, co apoio Deputación de Pontevedra e Creatividade Galega, a segunda edición dun congreso que o pasado ano reuniu preto dun cento de investigadores e investigadoras busca reunir nas instalacións do campus tanto a académicos e persoal investigador como a profesionais de diferentes ámbitos ligados á creatividade. Para iso, sinalan desde a organización, buscará promover “accións que traballen a capacidade de visualizar ideas e novas perspectivas, promocionando a habilidade de crear novos produtos, procesos e solucións a través de producións novidosas e orixinais”,.
Continúa aberto o prazo de presentación de comunicacións
Ata o 24 de agosto permanece aberto o prazo de presentación de resumos dos estudos que conformarán as diferentes mesas temáticas deste congreso. Por unha banda, a centrada en creatividade e arte buscará promover unha reflexión arredor dos procesos que conducen á configuración dunha obra, mentres que outro bloque centrarase na creatividade e innovación nos ámbitos do deseño e da moda, abranguendo cuestións como a innovación e os retos da virtualidade ou as confluencias entre moda, deseño e artesanÃa. Un terceiro bloque porá o foco no papel fundamental da creatividade na educación do século XXI, mentres que outro apartado dedÃcase a explorar as sinerxÃas entre a creatividade e as diversas disciplinas da comunicación.
As investigacións deberán centrarse nunha destas catro áreas, que poderán abordarse “desde diferentes perspectivas”, desde históricas ou docentes, ata casos de éxito e praxe profesional, pasando por estudos sobre comunicación estratéxica e instrumental, ética e deontoloxÃa, cultura organizacional, identidade e imaxe corporativa, publicidade, cultura audiovisual ou industrias culturais.
Os estudos seleccionados optarán á súa vez, superando un novo proceso de revisión por parte de comité cientÃfico, á súa publicación nun monográfico da editorial Fragua.
A Cidade da Cultura convida ás familias a descubrir a programación do Nadal no Gaiás, que hoxe arrinca coa apertura da instalación Soños de Argonautas. Esta proposta da arquitecta Nuria Prieto converte o Hall de Tirantes do Museo nunha paisaxe, feita con materiais de reciclaxe, de esferas luminosas e corredores inchables, presidida pola súa xa tradicional árbore de madeira. Ao longo de máis dun mes, o Gaiás acollerá un feixe de actividades que inclúen espectáculos teatrais e musicais, obradoiros familiares, visitas guiadas, realidade virtual ou un escape room.
O Programa de Desenvolvemento Rural (PDR) de Galicia 2014-2022 acada un grao de execución do 94,9 %, dato superior á media tanto dos programas españois como europeos. AsÃ, a media nacional sitúase no 91,8 % e a europea no 93,7 %. O PDR de Galicia ten unha dotación de 1.606 millóns de euros de gasto público total, dos cales 1.224 millóns corresponden a fondos Feader. Tendo en conta as previsións dos organismos xestores competentes, agárdase que o volume de pagamentos materializados neste mesmo mes de decembro supere o 99 % para o conxunto do programa, segundo subliñou Atán, quen mañá participará tamén na sesión de peche destas xornadas de traballo xunto co director xeral da PAC e do Control da Cadea Alimentaria, Juan José Cerviño.
