miércoles, 23 de septiembre de 2026
A ampliación prodúcese para poder estudar máis en profundidade estes impactos e outros novos detectados durante o desenvolvemento do estudo.
No proxecto participaron ata o de agora once institucións de sete paÃses, estando ademais da UVigo a Universidade de Oxford, a Nasa, o MIT (Instituto Tecnolóxico de Massachusetts), o Centro Nacional de Investigacións Atmosféricas de Estados Unidos (NCAR), o Centro de Investigación Antártica de Reino Unido, a Charles University de República Checa, o Instituto Nacional de Investigacións Avanzadas da India, o Instituto Meteorolóxico de Finlandia, o Instituto Meteorolóxico dos PaÃses Baixos e a Universidade de Leeds. Nesta segunda etapa manterase o mesmo equipo aÃnda que desde o proxecto explican que non está asegurada a representación da Nasa polas restricións impostas para a colaboración internacional aos seus cientÃficos polo actual goberno de EEUU.
Por parte da Universidade de Vigo participa Juan Antonio Añel, que é o director deste grupo internacional, e Laura de la Torre, membros os dous do Grupo Environmental Physics Laboratory (Ephyslab-Centro de Investigación Mariña) e docentes da Escola de EnxeñarÃa Aeronáutica e do Espazo do campus de Ourense. Amosando a súa satisfacción por acadar esta continuación do proxecto, o seu responsable destaca que supón “todo un pulo que se revalide a confianza en alguén da UVigo para seguir liderando este traballo tendo en conta a xente tan boa e de tantos centros de investigación tan prestixiosos de todo o mundo que participan nel”.
Continuidade de obxectivos e novos impactos a avaliar
Os obxectivos do proxecto mantéñense, ampliando a profundización neles. En primeiro lugar, sitúase avaliar en que estado está a monitorizar dos impactos do cambio climático nas capas máis altas da atmosfera. Hai, sinala Juan Antonio Añel, unha gran falla de datos e sistemas de observación, estando moi restrinxido o coñecemento actual sobre os impactos do cambio climático á parte máis baixa da atmosfera do planeta. O equipo internacional proponse ademais construÃr unha base de datos de observacións da atmosfera media para poder estudar mellor ditos impactos e cuantificar o impacto das emisións dióxido de carbono na ionosfera e certas propiedades da atmosfera alta, tales como a densidade de electróns. “Isto é importante porque está afectando á navegación de satélites e ao seu tempo de reentrada na atmosfera e aumentando o tempo de permanencia en órbita do lixo espacial e polo tanto aumentando a súa cantidade”, sinalan. Tamén, no marco desta iniciativa farase un informe con recomendacións sobre como solucionar estes problemas.
O proxecto arrancou en 2022 tras ser un dos seleccionados na convocatoria anual para financiar equipos de traballo nos temas máis relevantes do momento en investigación espacial e de monitorización da terra que realiza o ISSI, entidade financiada principalmente pola Axencia Espacial Europea, a Academia de Ciencias de SuÃza e a Axencia Espacial de Xapón e que conta coa participación de numerosas institucións de referencia. Entre as razóns de estender dous anos máis a súa realización, está, explica Juan Antonio Añel, “que ao longo destes dous anos identificáronse impactos do cambio climático que descoñeciamos na alta atmosfera que fan que sexa importante investigar moito máis o que está a ocorrer”. Entre estes impactos cita que os meteoritos están penetrando moito máis na atmosfera debido á perda de densidade desta capa causada polas emisións de dióxido de carbono, que tamén está a aumentar as probabilidades dunha colisión de satélites”.
Outro elemento que motivou a continuidade deste grupo de traballo é que "a reentrada de satélites artificiais que se queiman na atmosfera está aumentando a cantidade de algúns metais en suspensión nela, como por exemplo o aluminio”. Tamén é importante, engade Juan Antonio Añel, “que temos estado a traballar no lanzamento de novos satélites para ser capaces de monitorizar todos estes cambios e este é un traballo en curso”. AsÃ, detalla, neste senso en xullo asistirá como director deste grupo a unha xuntanza na Axencia Espacial Europea en Praga na que se decidirá o posible lanzamento dunha misión de satélite que axudarÃa a monitorizar os problemas abordados neste proxecto.
O Consello da Xunta analizou na súa reunión de hoxe un informe da ConsellerÃa do Medio Rural sobre o anteproxecto de Lei de loita contra os incendios forestais de Galicia (LLCIF), antes da súa remisión para consulta ao Consello Forestal de Galicia, cuxa reunión está prevista para mañá martes. A futura normativa prioriza reforzar a protección da poboación e a xestión integral do territorio. O presidente do Goberno autonómico, Alfonso Rueda, lembrou que actual lexislación sobre incendios forestais 'ten case 20 anos' e 'cómpre actualizarla e adaptala aos novos tipos de lumes asà como aos avances que houbo tanto na loita como na prevención de incendios'.
Galicia é a rexión que máis solicitudes presentou en Europa para participar en proxectos interrexionais de I+D+i. Asà o indican os datos da Vanguard Initiative, alianza europea da que a nosa Comunidade forma parte, xunto a outras rexións, para estimular o crecemento europeo da I+D+i a través da colaboración entre territorios de distintos paÃses e a especialización intelixente. Precisamente a Xunta vén de publicar a convocatoria VInnovate Galicia, unha liña de axudas para organismos de investigación e empresas que presenten proxectos con outras rexións. Para poder candidatar á convocatoria VInnovate Galicia da Xunta, cuxo prazo de presentación de propostas está aberto desde hoxe ata o 19 de outubro, os posibles participantes teñen que presentarse antes á fase europea.
