domingo, 14 de diciembre de 2025
O conselleiro de Educación e Ordenación Universitaria, Celso Currás Fernández, presidiu a inauguración do Encontro sobre Inmigración e Educación en Galicia. No acto estivo acompañado polo director xeral de Centros e Ordenación Educativa, Alberto González Armesto.
Celso Currás salientou a importancia deste tipo de encontros nun intre no que cada vez máis hai procesos migratorios. Por tanto, o novo reto que ten que afrontar a escola pasa por adecuarse a interculturalidade para aprender a convivir nunha sociedade plural.
A escola, dixo o titular de Educación, debe ser unha peza básica para fomentar unha sociedade onde as relacións entre os homes e as mulleres das diferentes culturas se baseen no respecto, a tolerancia e a igualdade.
Currás tamén indicou a importancia que ten a publicación que se presenta, Plan de Acollida, como guía para que os centros educativos poidan dar resposta as necesidades específicas que presente o colectivo de alumnos inmigrantes.
O Plan de Acollida foi presentado por dous dos membros do grupo de traballo que o elaboraron, o asesor do centro de formación e recursos da Coruña, Gerardo Nistal Martiño, e a orientadora do CPI O Toural de Vilaboa, de Pontevedra, Cristina González Piñeiro.
PLAN DE ACOLLIDA
Neste Plan de Acollida recóllense un conxunto de accións encamiñadas á consecución de varios obxectivos entre os que se destacan a importancia que ten que os pais estean informados sobre o funcionamento dos centros educativos, que as escolas asuman o deseño e posta en práctica de respostas educativas para este alumnado inmigrante favorecendo a súa adaptación e fomentando actitudes de respecto cara este colectivo co fin de favorecer a integración.
Nesta publicación recóllense ademais unha serie de suxestións de actividades a desenvolver na aula, ben dirixidas ao alumnado estranxeiro especificamente (informar sobre a comunidade que os acolle, que eles dean a coñecer na clase a súa cultura ou creando situacións de comunicación) ou ben dirixidas a todo o alumnado (programando conferencias, vendo filmes onde se trate a inmigración, informando sobre determinados países, entre outras accións).
PROGRAMA
No Encontro sobre Inmigración e Educación en Galicia participaron importantes ponentes como a vicerreitora de Extensión Cultural da USC, Mar Lorenzo, que fixo un relatorio sobre As familias inmigrantes e a acción educativa en Galicia.
O subdirector de Ordenación Educativa da Xunta, Antonio Rivas xunto co xefe de servizo de programas de Acollida da Consellería de Emigración, Carlos Cortón, expuxeron a Situación do alumnado procedente do estranxeiro en Galicia.
Pola tarde diversas Asociacións (Galicia Acolle e Godwana) e administracións locais de Arteixo, na Coruña, e de Vilaboa, en Pontevedra exporán aos asistentes diversas iniciativas educativa que eles veñen desenvolvendo co fin de favorecer un intercambio de experiencias.
Os Concertos do Xacobeo da Xunta de Galicia achegarán a mellor música internacional do momento a Santiago de Compostela cunha nova edición de O Gozo Festival. Maroon 5, Martin Garrix, Danny Ocean, Rita Ora e Miriam Rodríguez son as primeiras confirmacións do festival, que presentarán os seus directos no Monte do Gozo compostelán o sábado 11 de xullo de 2026. O Gozo Fest conta co apoio da Xunta de Galicia a través da Axencia Turismo de Galicia, no marco dos Concertos do Xacobeo. En 2026, O Gozo Festival celebrará a súa cuarta edición cun line-up de luxo. O proxecto O Gozo Festival, que naceu en 2023 co apoio da Xunta de Galicia a través da Axencia Turismo de Galicia, no marco de Concertos do Xacobeo, consolidouse na súa terceira edición, celebrada en 2025, cun éxito rotundo de crítica e público.
O presidente da Xunta, Alfonso Rueda, defendeu esta mañá, na súa condición de presidente da delegación española do Comité Europeo das Rexións (CdR), unha maior cogobernanza das rexións na planificación e xestión dos fondos europeos e máis recursos para o sector primario. Así o destacou logo dunha reunión organizada polo Executivo galego entre os representantes españois tanto das comunidades autónomas como das entidades locais do CdR con eurodeputados españois e o embaixador representante permanente de España ante a Unión Europea, Marcos Alonso, 'para poñer en común as intencións e o noso plantexamento' de cara á negociación do novo Marco Financieiro Plurianual 2028-2034.
