sábado, 4 de julio de 2026
Exploradoras, aviadoras, alpinistas, nadadoras, navegantes, astronautas... sen deixar de poñer en valor a Exeria. Todas elas, explica o persoal da Biblioteca que impulsa esta iniciativa, teñen en común ter superado os convencionalismos sociais co seu espírito de superación.
No taboleiro da entrada pódese consultar un pequeno resumo e xustificación da mostra, no que se explica que aínda que existiron mulleres intrépidas e aventureiras desde os tempos máis remotos, este ten sido sempre un mundo tradicionalmente masculino. Por iso esta mostra quere botar a vista atrás e poñer en valor fazañas de mulleres que descubriron, voaron, investigaron e foron as protagonistas de aventuras trepidantes e perigosas. Algunhas delas conseguiron gravar o seu nome na historia moi a pesar do contexto social que as rodeaba, pero outras caeron no esquecemento.
Nesta cristaleira están as 20 mulleres seleccionadas, coa súa imaxe e algúns datos biográficos, facendo especial mención aos seus logros. Desde Isabel Barreto, primeira muller almirante na historia de España, que viviu entre os séculos XVI e XVII ata a neocelandesa Laura Dekker, que en 2010 se converteu na persoa máis nova en circunnavegar o mundo en solitario, pasando pola alpinista Edurne Pasabán, a aviadora Amelia Earhart ou a astronauta Valentina Vladímirovna Tereshkova, primeira muller e primeira civil en levar a cabo unha viaxe espacial en 1963. Tamén se pode coñecer nesta mostra a historia doutras pioneiras dos séculos XVIII e XIX como a viaxeira Ida Pfeiffer, primeira muller admitida nas sociedades xeográficas de Berlín e París, a exploradora Mary Kingsley, coñecida como 'A raíña de África', ou Josephine Cecilia Diebitsch Peary, quen descubriu que Grenlandia era unha illa e non unha península. Xunto con información de cada unha destas mulleres senlleiras, o público tamén pode atopar unha selección de fondos bibliográficos relacionados coa temática, que se poden solicitar en empréstito.
Ademais, nun espazo aparte está o recuncho dedicado á galega Exeria, primeira peregrina a Terra Santa e autora de Itinerarium ad Loca Sancta, libro no que relata esta viaxe. Para manter vivo o seu recordo, a Universidade de Vigo decidiu poñerlle o seu nome (elixido por votación popular en 2018) a un dos edificios administrativos do campus de Vigo.
O Centro de Investigación en Tecnoloxías da Información e as Comunicacións (CITIC) vén de poñer en marcha un novo laboratorio de investigación en cuántica, que reforza as capacidades de Galicia en tecnoloxías cuánticas e completa a oferta de infraestruturas científico-tecnolóxicas do ecosistema de I+G+i. A posta en marcha deste novo laboratorio sitúa a Galicia nunha posición aínda máis competitiva neste ámbito e permite abordar de maneira integral a investigación, a experimentación, o desenvolvemento de aplicacións e a súa transferencia ao tecido produtivo.
Galicia rexistra en xuño con 1.123.034 cotizantes o máximo de afiliacións á Seguridade Social e con 105.768 persoas paradas o nivel de desemprego máis baixo de toda a serie histórica. No caso das afiliacións, soben tanto na comparativa anual como na mensual. Hai preto de 20.400 afiliacións máis que hai un ano e case 11.200 cotizantes máis que hai un mes, sendo na comparativa mensual o ritmo de subida maior ao estatal. En relación co paro, cae tanto na comparativa anual , cunha redución do -1,39 % como na mensual, neste caso un -3,28 %.
