viernes, 5 de diciembre de 2025
Con entrada libre, as proxeccións arrancarán este mesmo martes e prolongaranse ata o 10 de decembro. Serán no Museo de Arte Contemporáneo de Vigo, MARCO, salvo a sesión do 21 de novembro que terá lugar na sede da Deputación de Pontevedra en Vigo. As proxeccións realizaranse en versión orixinal, con lendas en galego ou español, e contarán con debate posterior da man de diferentes convidadas, especialistas nas diferentes temáticas abordadas en cada un dos filmes. A cita será todos os martes ás 18.30 horas, salvo a de o día 21 de novembro que coincide en xoves.
Desde esta semana ata decembro
O ciclo componse dun total de sete filmes que ofrecen un ollar feminino sobre estas cuestións e, a maiores, proxectarase tamén o documental de Shola Lynch sobre Angela Davis, no que se narra a intensa loita desta activista durante os turbulentos anos 70 en Estados Unidos, lembrando os cargos que se lle imputaron e o seu posterior xuízo, anticipando un novo ciclo de cinema que terá lugar en 2025.
Tal e como explican desde a organización, Mulleres (d)e Abril céntrase no ollar das mulleres sobre o pasado colonial e ditatorial de Portugal, sen descoidar tamén unha reflexión sobre o Portugal contemporáneo e o significado deses momentos históricos para o país hoxe. Son unha selección de obras que pretende convidar o público a pensar sobre a herdanza histórica e o seu impacto no presente, a través da lente de realizadoras portuguesas e internacionais.
Estrea cun filme de Carolina de Vasconcelos comentado por Oriana Méndez
A primeira proxección será A metamorfose dos pássaros (2020), ópera prima da realizadora portuguesa Catarina de Vasconcelos e para o que se contará coa participación da poeta Oriana Méndez. É unha viaxe á propia historia familiar da directora. Pártase do casamento de Beatriz e Henrique. El é oficial da mariña e márchase ao mar durante un tempo, mentres ela queda a cargo dos seus seis fillos. Un día, Beatriz morre de forma inesperada. O seu fillo maior é Jacinto, que sempre soñou con transformarse nun paxaro. E Jacinto é o pai de Catarina, cuxa nai tamén faleceu cando ela tiña só 17 anos.
Trátase pois dun filme poético e íntimo que cruza memorias familiares e historia nacional, explotando as relacións intergeracionais e a experiencia da perda. Catarina de Vasconcelos utiliza unha linguaxe cinematográfica visualmente rica para retratar unha historia persoal que dá eco aos sentimentos de transición e transformación que marcaron Portugal na época da Revolución.
O Auditorio Mar de Vigo acollerá o vindeiro 18 de decembro un concderto do artista portorriqueño Gilberto Santa Rosa dentro da programación musical de Concertos do Xacobeo. O artista portorriqueño, recoñecido mundialmente como 'El Caballero de la Salsa' e recentemente nomeado ao Grammy 2026 polo seu álbum Debut y Segunda Tanda, vol. 2, traerá ao Auditorio Mar de Vigo o seu espectáculo Navidades, unha proposta que combina a forza da salsa coa elegancia e a emoción que marcaron toda a súa carreira. A cita do 18 de decembro en Vigo forma parte dunha serie de concertos especiais coa que o artista celebra as festas acompañado pola súa orquestra habitual e unha posta en escena coidada ao detalle. O artista chega a esta cita nun momento especialmente significativo, tras ser nomeado ao Grammy 2026 polo seu álbum Debut y Segunda Tanda, vol. 2, recoñecido como un dos traballos máis destacados do xénero tropical latino este ano.
Galicia recibiu máis de 6,63 millóns de visitantes entre xaneiro e outubro, que sumaron 12,35 millóns de noites no mesmo período, rexistrando incrementos que superan o 2% en ámbolos dous indicadores. O gasto medio do turista do segundo semestre de 2025 situouse en 114,69 euros, un 5,8% máis que en 2024. Isto supón unha mellora da competitividade a da imaxe da oferta turística de Galicia, reforzando o seu carácter como destino serio, profesional e diferenciado sobre a base da calidade, sustentabilidade, cultura e boas prácticas.
