miércoles, 2 de julio de 2025
O Orfeón Lucense, en colaboración coa Diocese de Lugo, a Catedral Lucense e a familia de José Castiñeira Pardo, convoca a primeira edición do PREMIO DE HUMANIDADES JOSÉ CASTIÑEIRA, para honrar a persoas ou institucións que pola súa traxectoria, disposición e entrega, se distingan no seu labor humanitario, nas artes ou nas letras, a prol da convivencia social e da mellora das relacións humanas, seguindo o exemplo de traballo e entrega do musicólogo, crego e profesor do que leva o nome.
O premio, que se convocará anualmente, non ten dotación económica e consistirá nunha placa que deixe constancia do nomeamento, que será entregada nun acto público e solemne, no claustro da Catedral de Lugo, o último domingo do mes de outubro, inmediatamente despois da celebración relixiosa do cabodano do P. Castiñeira, e antes da ofrenda que tradicionalmente se celebra na súa honra.
O xurado que concederá o premio estará formado por representantes do Orfeón convocante – fundado por José Castiñeira Pardo - , da familia Castiñeira, da S.I.C.B e da Diocese de Lugo, podendo incorporar persoas de recoñecido prestixio da sociedade lucense e galega.
A este premio poden presentar propostas as asociacións culturais, entidades oficiais ou privadas, os particulares que o desexen e os mesmos membros do Xurado, con exposición razonada dos méritos de cada candidato/a, ao correo info@orfeonlucense.com, ou entregándoas persoalmente nas oficinas do Pazo Bispal de Lugo, ata o próximo 15 de outubro.
O presidente da Xunta, Alfonso Rueda, resaltou hoxe que Galicia asumirá desde mañá 'a plena xestión sobre o seu litoral', un 'feito histórico desde o punto de vista do autogoberno' que virá acompañado da posta en marcha de xeito inmediato de dous novos servizos, unha nova canle de información á cidadanÃa e a posibilidade de unificar nun só formulario calquera trámite ou solicitude sobre o litoral. Deste xeito, o Goberno autonómico prepárase para asumir o autogoberno pleno do litoral co traspaso efectivo a Galicia a partir de mañá das funcións, medios e servizos en materia de ordenación costeira.
A primeira fase do piloto do proxecto Xenoma Galicia permitiu detectar, entre os máis de 1.000 participantes aos que se lle recolleu unha mostra de sangue, 14 novos casos de alto risco para as patoloxÃas investigadas de cancro de mama e ovario hereditario, sÃndrome de Lynch e hipercolesterolemia familiar. A ConsellerÃa de Sanidade presentou esta mañá ante o Consello da Xunta un informe de situación do piloto do proxecto Xenoma Galicia. Cun investimento de 20 millóns de euros, o Goberno galego márcase o obxectivo de recompilar o ADN de 400.000 persoas. Pola porcentaxe de poboación incluÃda, Xenoma Galicia é un dos proxectos de maior envergadura do mundo. Permitirá ofrecer tratamentos farmacolóxicos individualizados, predicir o risco de enfermidades antes de apareceren para poder anticiparse a elas e evitalas grazas ao estudo do xenoma e da historia clÃnica.
