domingo, 1 de noviembre de 2026
A formación en liña iníciase os tres días ás 16.30 horas. Comeza o martes 24 coa conferencia Achegas da economía feminista: Traballo, usos do tempo e coidados, a cargo de Eva María Aguayo, do Centro Interdisciplinario de Investigacións Feministas e de Estudos de Xénero da USC (CIFEX). O mércores 25 a charla será sobre A sostibilidade na toma de decisions na empresa e na administración, por María Luz Loureiro, do grupo ECOBAS, e o xoves 26 de setembro será a quenda de Bibiana Martínez, do Centro de Investigación Interuniversitario das Paisaxes Atlánticas Culturais (CISPAC), coa intervención Analizando a economía circular dende o prisma da economía feminista. Sustentabilidade e coidados.
Feira expositiva
Finalmente, o venres 27 de setembro terá lugar a Feira presencial no Centro Sociocultural Maruxa e Coralia, que será inaugurado ás 10.00 horas pola delegada do reitor para a Igualdade da USC, Sonia Rodríguez, e a concelleira de Dereitos e Servizos Sociais, María Rozas. A feira estará aberta ata as 18.00 horas.
Ás 10.15 horas as influencers galegas Leticia Miraz e Sara Seco participan nunha mesa redonda titulada Mostrar a realidade das mulleres e traer á escena esa estructura desigual que enfrontamos. Xa ás 11.00 horas comeza a mesa Igualdade, sexualidade e vínculos afectivos desde una perspectiva feminista e psicosexolóxica coa participación da experta en igualdade e xénero Priscila Retamozo e a psicóloga Lucía Álvarez.
Deseguido terá lugar unha mesa de experiencias de proxectos como Designthinking.gal, Maker Faire Galicia ou VermisLAB, baseados en sacar rendemento a equipos feministas e aproveitar a riqueza dos diferentes puntos de vista de grupos con ampla diversidade de pensamento e traballo. Participan nela o formador Marcos Saavedra e a docente en pensamento creativo Paz Picallo. A sesión matinal rematará cunha dinámica grupal na que participarán todas as relatoras, as representantes das casetas da feira e o público para coñecer os seus proxectos emprendedores.
A última actividade é unha conversa, ás 17.00 horas, sobre a invisibilidade do traballo de coidados, na que tomarán parte a xefa de traballo social da Área Sanitaria de Lugo, A Mariña e Monforte de Lemos, Isabel Sánchez, e a profesora de Antropoloxía Social e Cultural da USC Guadalupe Jiménez. Presidirán a clausura ás 18.00 horas o reitor Antonio López e a alcaldesa de Santiago, Goretti Sanmartín.
Economías feminista e dos coidados
A economía feminista é un enfoque crítico que examina como as relacións de xénero e as desigualdades inflúen na economía e avoga por políticas que promovan a igualdade de xénero e o empoderamento das mulleres. Destaca a importancia de recoñecer e valorar o traballo non remunerado, como o traballo doméstico e de coidado, realizado principalmente por mulleres e propón medidas como a equidade salarial, o acceso igualitario a oportunidades económicas, o recoñecemento do traballo doméstico e de coidado, e a redistribución do traballo e o poder na economía.
Pola súa banda, a economía do coidado céntrase no estudo e a valoración do traballo de coidado non remunerado, que inclúe o coidado de nenos, persoas maiores, enfermos e tarefas domésticas. Partindo de que o traballo de coidado é fundamental para o benestar humano e o funcionamento da economía, xa que sostén e reproduce a forza laboral, destaca como as desigualdades de xénero e socioeconómicas afectan a distribución deste traballo, cunha carga desproporcionada que recae sobre as mulleres e as comunidades marxinadas. Para combater esta desigualdade, propón políticas para valorar e redistribuír equitativamente o traballo de coidado, como servizos de coidado alcanzables e accesibles, políticas de licenza parental remunerada, e apoio a coidadores informais.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
