sábado, 7 de noviembre de 2026
A cita foi presentada este mércores no Teatro Principal de man de representantes das entidades patrocinadoras e organizadoras, estando Francisco Javier RodrÃguez Rajo, vicerreitor do campus de Ourense; Fernando Dacosta, director da Miteu e das aulas teatrais do campus; César Fernández, vicepresidente da Deputación; Olga Mojón, directora do Teatro Principal; Marcos Vázquez, director da área de Cultura e Deporte da Deputación; Sandra Quintas, xefa do Servizo de Coordinación Cultural da Xunta en Ourense; José Luis Troitiña, xerente do Liceo; Budiño, músico que presentará o seu novo disco na Miteu, e Luis Portabales, fundador de Cervexas Esmorga. Nas súas intervencións subliñaron a relevancia desta mostra “froito do traballo colaborativo das diferentes institucións”, tal e como apuntou o vicerreitor do campus, que puxo en valor a calidade dun certame que, lembrou, constitúe “un evento moi importante para a provincia de Ourense”.
Programación diversa
Fernando Dacosta foi o encargado de expor as caracterÃsticas desta edición, agradecendo de xeito especial o compromiso das institucións implicadas na súa celebración e pondo en valor a traxectoria desta mostra. A 29ª Miteu contará con 23 espectáculos, ademais de animación e promoción de rúa e un curso sobre a expresión do clown. Haberá presenza de grupos de Mozambique, Colombia, Portugal e España (Navarra, Castela e León, Madrid, Estremadura, Euskadi e Galicia), estando representadas todas as aulas universitarias teatrais galegas (A Coruña, Santiago, Lugo, Vigo, Pontevedra e Ourense). A programación, que se desenvolverá en diferentes espazos da cidade, contará coa participación de 14 grupos de teatro universitario e nove de teatro profesional-grupos convidados, entre eles Alberto Sanjuan, Quico Cadaval e Aldaolado.
A música tamén terá un protagonismo destacado, con concertos de Budiño, que estreará o seu novo disco Branca vela; FactorÃa de Subsistencia, The Tetas Van e O Sonoro MaxÃn. Igualmente haberá espectáculos de danza das aulas dos campus galegos (entre elas a de Ourense) e dunha compañÃa de Mozambique e unha gala de Pallasos en RebeldÃa cuxa recadación irá destinada a Gaza Stars Circus School. O premio da 29 Miteu irá para o Cine Clube Padre Feijóo “polo seu labor fundamental dentro da cultura” da cidade de Ourense.
Ao longo dos dÃas de programación actuarán as aulas de teatro da Universidade de Vigo. Do campus de Ourense participarán as aulas Rosaura, que inaugurará a mostra co seu espectáculo Operación rescate; Cordelia, que representará Retrato dun tremor, e Maricastaña, que pechará esta edición con Desequilibrios. A Aula de Teatro de Vigo traerá a Ourense Soño dunha noite de verán e a de Pontevedra Estupidez artificial. Por último, igualmente estará a aula de danza ourensá, co espectáculo O xardÃn das danzas.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
