lunes, 20 de mayo de 2024
“Son dous artistas cuxa obra ten moitÃsimos puntos de ancoraxe e moitÃsimas similitudes, pese a que no ámbito da investigación, difiren bastante”, salienta Eiras. Ambos “recollen residuos, despoxos da pegada da humana” para conformar as súas pezas, sinala Eiras, que centra a súa tese de doutoramento “na mediación entre a obra de arte e o espectador”. Ambos, lembra, desenvolven as súas teses no marco da liña de investigación “pintura contemporánea e percorridos urbanos”, baixo a dirección de Ignacio Pérez-Jofre, mais no caso de Fuerte os obxectos atopados dan como resultado unha serie de obras “que remiten automaticamente a pintura”, mentres que nas propostas de Catalán faise máis presente, a xuÃzo do comisario, a “captura dun instante”, o propio percorrido no que foron atopados os materiais.
Valéndose de múltiples obxectos, desde restos de equipos informáticos a anacos dun aspirador, Fuertes presenta nesta mostra un conxunto de obras coas que busca “un aspecto pictórico, pero tamén unha tridimensionalidade escultórica”, explica. “Interésame que sexan obxectos recoñecibles, pero que o seu conxunto sexa como abstracto”, engade o artista e investigador, quen destaca tamén o interese de que unha exposición que parte do “reemprego de material de refugallo” teña como escenario un espazo ao que se deron novos usos despois de que os procesos para a adxudicación do servizo de cafetarÃa quedasen desertos. Restos dunha persiana e unha serie anacos dunha estrada levantada recentemente na cidade serviron por outra banda a Catalán para dar forma a unhas instalacións que teñen tamén como punto de partida, recoñece, a pintura. Isto faise patente tanto polos “trazos” que parecen representar os diferentes anacos da persiana como pola “representación dunha pintura universal” trazada cos anacos de pavimento, en obras que, recoñece, forman parte de “procesos abertos de creación”, de tal xeito que en lugar dun resultado final, móstranse “como unha posibilidade entre moitas”, salienta.
Cada galego reciclou o ano pasado unha media de 30,3 quilos de envases domésticos lixeiros e de papel-cartón, case un 3% respecto máis que o ano anterior. Estes datos enmárcanse no traballo desenvolvido pola Xunta e Ecoembes (organización sen ánimo de lucro que coordina a reciclaxe dos envases domésticos en todo o paÃs) para mellorar o depósito, recollida e posterior recuperación deste tipo de residuos no conxunto da comunidade galega. En 2023 en Galicia recuperáronse 73.687 toneladas (Tn) de envases de orixe doméstica (37.640 Tn de envases plásticos, 23.781 Tn de papel-cartón, 11.566 Tn de envases metálicos e 700 Tn de recipientes de madeira).
A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.
