sábado, 13 de junio de 2026
Tras unha primeira semana inaugural con todos os aforos completos, o Festival RESIS de Música Contemporánea e Artes Vivas encara agora a súa segunda semana con catro eventos, entre concertos e outras actividades.
Xoves 20 de abril | Concerto Dèserts da Banda Municipal no Teatro Colón
A primeira cita co festival coruñés esta semana será a do concerto Dèserts da Banda Municipal, este xoves, 20 de abril, ás 20:00 no Teatro Colón. Como director convidado exercerá José Trigueros, actual director asociado da Orquestra Sinfónica de Galicia e convidado recorrente da Nueva Orquesta Nacional de España. A entrada será de balde ata completar aforo, sen ser necesaria reserva previa.
Venres 21 de abril | Concerto Só un Solo de Mario G. Cortizo en Palexco
Este venres 21 de abril ás 20:00, terá lugar outro concerto, Só un Solo, na Sala Municipal de Exposicións de Palexco. Nel, o compositor Mario G. Cortizo interpretará como percusionista solista tres pezas propias. Trátase da estrea do resultado da primera edición das Residencias ArtÃsticas de Mariñán da Deputación da Coruña. A entrada, de balde, deberá reservarse en ataquilla.com ou no quiosco de praza Ourense.
Sábado 22 de abril | Instalación sonora na Casa Museo Casares Quiroga e proxección na Domus
Por outra banda, á 13:00 do sábado 22 de abril, abrirase ao público a instalación sonora Organismo / Organscape na Casa Museo Casares Quiroga. Trátase dunha obra do artista sonoro e investigador galego Xoán-Xil López, que se poderá visitar ata o 6 de maio. A entrada é libre ata completar aforo.
Finalmente, ás 20:00 do sábado 22 de abril, a Domus albergará a proxección do filme de danza multidisciplinar Mist, dos neerlandeses Damien Jalet e Nederlands Dans Theater. Será necesario reservar as entradas gratuitamente en ataquilla.com ou no quiosco de praza Ourense.
O Festival RESIS continuará coa súa programación ata o vindeiro 6 de maio, cun amplo programa de actividades e concertos. Baixo o patrocinio do Concello da Coruña, a Deputación da Coruña, a Xunta de Galicia e o INAEM, o Festival RESIS consolida o seu éxito cada ano entre o público, a crÃtica e os profesionais do ámbito coa súa aposta por un festival galego e internacional.
Foron presentados os novos equipamentos do Centro de Supercomputación de Galicia) instalación que vai incorporar un segundo computador cuántico, denominado IQM Spark. O novo supercomputador e os dous novos computadores cuánticos que se van adquirir situarán a nosa Comunidade na vangarda europea en canto a capacidade de almacenamento de datos e participación en grandes proxectos internacionais. En canto aos computadores cuánticos, o de menor capacidade (5 cúbits), dedicarase exclusivamente a tarefas de formación, probas de concepto e de algoritmia, complementando asà ao de maior capacidade (54 cúbits), que será o buque insignia.
A Xunta exixe o rescate da AP-9 e asina cos Gobernos de Asturias e Castela e León e o tecido empresarial das tres comunidades a Declaración Compostela, que insta á Comisión Europea a culminar o ditame sobre as prórrogas da AP-9 e AP-66. A conselleira de Vivenda e Planificación de Infraestruturas, MarÃa MartÃnez Allegue, interveu no encontro 'As infraestruturas viarias do Noroeste', organizado pola Confederación de Empresarios de Galicia.
