martes, 10 de noviembre de 2026
O encontro permitirá analizar os beneficios e impactos positivos na sociedade de investir en ciencia. Coa presenza dun conxunto de entidades que xestionan máis de 6.000 millóns de euros, a finalidade do encontro é demostrar que a inversión en ciencia, a través da innovación aberta, resolve os retos aos que se enfronta a sociedade actual achegando, ademais, respostas que atenden aos novos requirimentos ambientais. No seu desenvolvemento, a xornada conta co apoio de SpainCap, Abanca, Ribera Salud, Ernest & Young e Alira Health.
En opinión das entidades promotoras da xornada, a súa celebración en Galicia está relacionada co grande interese que esperta Galicia entre os inversores polos seus ecosistemas en produción científica en sectores como a biotecnoloxía, a bioeconomía, a saúde e a sustentabilidade, a intelixencia artificial, analítica de datos ou a ciberseguridade. Son, engaden, actividades transversais que contribuirán a mellorar a competitividade do conxunto de sectores, como a alimentación (humana e animal), pesca, agricultura, forestal e madeira, enxería, medio ambiente e economía circular.
Programa
A xornada leva por lema Investir en ciencia si é rendible. Impacto e retorno e desenvolverase ao longo dos días 21 e 22. Na primeira sesión identificaranse áreas de interese para inversores en etapas temperás, e prestarase atención ao incremento da colaboración a través de ferramentas como a co inversión, así como a promover a inversión con impacto, tanto dende o punto de vista social como ambiental. Nela participarán representantes de CDTi ou Xesgalicia; dos clústeres Bioga, Clusaga ou Viratec; de centros tecnolóxicos como CITIC ou Gradiant; así como emprendedores como Cáncer Innova, ou unha representación das tres universidades galegas.
Na sesión do 22 de marzo, unha vintena de especialistas defenderán a aposta pola innovación e o emprendemento como a solución aos problemas da sociedade actual e profundarán nos motivos polos que investir en ciencia é rendible.
Lugo e Láncara acolleron do 5 ao 7 de novembro as II Xornadas Anuais de Pensamento Galego, dedicadas nesta segunda edición á figura de Ramón Piñeiro. O encontro, organizado por Egeria reuniu especialistas, investigadores e representantes do ámbito cultural e académico arredor do pensamento, a traxectoria vital e o compromiso coa lingua e a cultura galegas dun dos intelectuais máis relevantes do século XX. As xornadas inauguráronse o xoves 5 de novembro na Casa do Concello de Lugo coa participación da alcaldesa, Elena Candia, e a presentación da exposición bibliográfica 'Eu, Ramón Piñeiro' e da web ramonpineiro.gal (desenvolvida por GaliciaDigital).
Foio presentada a quinta edición de Galicia Ilusiona, o Festival Mundial de Ilusionismo de Galicia, que volverá converter a comunidade nun referente internacional da maxia durante os meses de novembro e decembro de 2026. Dirixido por Pedro Bugarín e Dani Polo, o festival, reunirá a seis artistas internacionais multipremiados: Mago Murphy, Toni Frebourg, An Ha Lim, Didak , Bonjin Koo e Diego @ Elena, que ofrecerán o mellor do ilusionismo en diferentes teatros e auditorios galegos, achegando espectáculos a milleiros de espectadores. A programación das galas Internacionais desenvolverase en oito cidades galegas: A Coruña, Cangas, Vigo, Pontevedra, Lugo, Ferrol, Ourense e Santiago de Compostela, entre o 20 de novembro e o 13 de decembro.
