lunes, 10 de agosto de 2026
A delegada do reitor da USC para o Campus Terra, Elvira López Mosquera, presentará as novidades desta nova edición de ViaGalicia, unha aceleradora pública que procura proxectos rendibles que favorezan a creación de novas empresas que diversifiquen o tecido empresarial en Galicia, ademais de modernizar e dinamizar sectores estratéxicos capaces de crear emprego, atraer e reter talento.
A nova edición de ViaGalicia, un programa de alto rendimiento que mestura, baixo a supervisión dun equipo de expertos, formación, titorización, asesoramiento especializado, mentoring, espazo de traballo e liñas de financiamento, contará con sede propia na sede universitaria luguesa, onde xa agromaron iniciativas emprendedoras de éxito apoiadas por Vía Galicia tales como Innogando, 3edata ou Legalmit.
O Ceo de Innogando, Elio López, será outro dos relatores que participen o martes na presentación desta nova convocatoria de ViaGalicia, unha incubadora de emprendemento aberta a todo tipo de iniciativas de carácter innovador, xa sexan produtos ou servizos, procesos ou calquera outro modelo de negocio.
A sesión de presentación desta nova edición de ViaGalicia rematará cun café-networking. As persoas interesadas en participar nesta sesión poden confirmar a súa asistencia a través do enderezo de correo electrónico viagalicia@zonafrancavigo.com.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
