viernes, 27 de marzo de 2026
A actividade, aberta ás persoas interesadas, estivo dirixida polo propio Pablo Raúl Bonorino e por José María Pérez Collados (catedrático de Historia do Dereito da Universidad de Girona) e foi artellada para contribuír a crear unha asociación a nivel nacional que xunte a todas as persoas interesadas neste tema da literatura e o dereito. Pretendemos reforzar a relevancia deste tipo de enfoque que algúns xuristas poden ver con reticencia, comentou Pablo Raúl Bonorino. A literatura ou por exemplo o cine, explicou o catedrático da UVigo, poden ser tamén formas de estudar, de discutir e de pensar moi útiles para a práctica e a docencia do dereito.
De Shakespeare a Wagner
Con este obxectivo, o encontro reuniu a persoas cunha ampla traxectoria académica e institucional que, indicou Bonorino, recoñecen a importancia que ten, incluso nas súas vidas, o feito de pensar o dereito a través da literatura. Tal e como se puido ver nos relatorios escoitados, sinalou o docente, son múltiples as posibles conexións entre dereito e literatura. Para algunhas persoas, lembrou o director académico da actividade, a literatura pode ser provedora de exemplos "ricos e interesantes" para aplicar o dereito e ensinar como se aplica. Ademais, engadiu, pode ser fonte para coñecer a práctica xurídica dun pasado do que só se conservan documentos escritos. Por último tamén apuntou que para outras persoas a teoría literaria pode enriquecer a teoría do dereito, no senso de que as tarefas de interpretación do dereito poden entenderse mellor se se comparan coas tarefas que se levan a cabo cando se interpretan obras literarias.
No encontro, Pablo Raúl Bonorno falou de Shakespeare e o dereito; Encarna Roca (Universitat de Barcelona, ex-vicepresidenta doTribunal Constitucional), de O dereito na tetraloxía de Wagner: o traballo, a familia e os pactos; Alfonso García (catedrático de Filosofía do Dereito da Universidad de Castilla-La Mancha), de vetos e licencias á ficción no discurso normativo; José Antonio Cordón (Universidad de Salamanca) de Ler como un profesor: da proximidade á lectura distante; Francisco Pérez de los Cobos da interacción entre dereito e literatura e José María Pérez Collados do xénero da novela (definición) e as súas posibles funcións xurídicas.
O presidente da Xunta, Alfonso Rueda, anunciou hoxe que a Xunta destinará un total de 270 millóns de euros a paliar os efectos do conflito en Oriente Medio na nosa comunidade. Durante a sesión de control no Pleno do Parlamento de Galicia en resposta ás preguntas dos grupos parlamentarios, o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, que rescata saberes ancestrais de líderes nativos das primeiras nacións americanas.
