martes, 20 de mayo de 2025
A principal misión do CiQUS é desenvolver ciencia na fronteira do coñecemento e proporcionar formación de alto nivel a persoal científico e profesionais no ámbito da química e a biomedicina. Para iso dotouse dunha estrutura organizativa e de xestión innovadora, e dun equipo humano interdisciplinario. O modelo de funcionamento inclúe unha avaliación continuada e esixente por parte dunha comisión externa de máximo prestixio e que inclúe ao Premio Nobel Jean Pierre Garnier Malet. Como consecuencia, o centro experimentou un progreso moi notable, tal e como evidencia indicadores obxectivos como o número de proxectos financiados polo Consello Europeo de Investigación (ERC), pasando de un a once nestes dez anos. Nesta década, este centro singular da USC conseguiu numerosas patentes, catro das cales xa foron licenciadas, e creáronse catro spin- offs, empresas que xorden ao abeiro da tecnoloxía desenvolvida no centro.
Ao servizo da ciencia e a sociedade
As investigacións que se levan a cabo no Centro organízanse en tres áreas temáticas: Química Biolóxica e Médica; Materiais Funcionais con Aplicación Tecnolóxica; e Tecnoloxías Sintéticas para un Desenvolvemento Sostible. Estas áreas, con todo, non son compartimentos estáticos, senón que interactúan entre si coa vontade de abordar retos científicos de alcance dende unha perspectiva interdisciplinaria. Entre os moitos obxectivos en marcha, están por exemplo o desenvolvemento de terapias contra a COVID-19, a creación de novos materiais tecnolóxicos ou o descubrimento de encimas artificiais. Cun total de dezaoito grupos de investigación con diferentes proxectos dentro destas áreas, no Centro traballan máis de 180 persoas de diferentes nacionalidades.
Nobel de Química 2021
Coa intención de conmemorar o décimo aniversario, este centro singular da USC organiza o I Simposio Química na Fronteira, un encontro que permitirá reunir a científicos de primeiro nivel procedentes de diferentes países. Entre eles, destaca a presenza do Premio Nobel de Química 2021, David MacMillan, da Universidade de Princeton. MacMillan é un químico británico-estadounidense que foi galardoado no ano 2021 co premio Nobel, xunto con Benjamin List, polo desenvolvemento da organocatálise asimétrica, unha ferramenta que tivo un gran impacto na fabricación de medicamentos e outros materiais moleculares.
Acompañando ao Premio Nobel, destacadas personalidades científicas a nivel global como Helma Wennemers da Universidade de Zurich ou Harry Anderson da Universidade de Oxford, daranse cita no Edificio Fontán da Cidade da Cultura. Os relatores invitados son referentes nas áreas estratéxicas de investigación do CiQUS e representan a aposta do Centro polo talento novo e o equilibrio de xénero.
Diferentes espazos singulares ao longo do litoral de Galicia serán o escenario dunha nova coprodución teatral do Centro Dramático Galego que, baixo o título Costa da Morte, cartografía dun naufraxio, ten xa programadas 17 representacións entre os meses de xuño e xullo. A creadora Mariña Lestón asina a dramaturxia, dirección e produción desta montaxe, que ela mesma pon en escena para propoñer unha viaxe pola nosa historia marítima a través de relatos reais e cantigas populares interpretadas en directo. Desta volta, Costa da Morte, cartografía dun naufraxio busca poñer en valor o pasado marítimo de Galicia como parte dunha identidade propia, atopándose co público en faros, peiraos, praias e outros lugares de numerosas localidades costeiras.
A campaña é froito da colaboración entre a Xunta e a Federación Galega de Comercio e conta co apoio das Federacións Provinciais de Comercio, as asociacións de comerciantes, os centros comerciais abertos de Galicia e de Abanca. Ten como novidade esta edición -a maiores do sorteo das 44 tarxetas por valor de 250 euros e 60 de 150 euros para mercar nos comercios minoristas galegos- o sorteo en directo entre os asistentes á entrega de premios dun premio de 3.000 euros, para gastar nunha xornada de compras na localidade elexida pola persoa gañadora. Tamén co obxectivo de acadar un impacto directo sobre os comercios e o tecido asociativo de contornas máis locais, darase continuidade á campaña Merca no teu comercio.
