domingo, 25 de octubre de 2026
O acto celebrado na Facultade de Filoloxía da USC está presidido polo reitor Antonio López e ademais da intervención dos tres homenaxeados, do decano do centro, Elías J. Feijó Torres; do director do ILG Xosé Luís Regueira; e do secretario xeral de Política Lingüística, Valentín García; conta coa laudatio de Ana Isabel Boullón Agrelo e coa actuación musical de Alba María. O acto pode seguirse en directo a través da canle de YouTube da USC.
A sesión de homenaxe que se desenvolve este venres a partir das 18.30 horas, pon o punto e final a unha semana ateigada de actos co gallo do Simposio ILG 2021 cetrado en poñer en valor a historia deste instituto de investigación. O ILG naceu no ano 1971, durante o franquismo, e desenvolveu un papel protagonista na estandarización do galego. A súa relevancia era maior que a dun centro de investigación, tratábase dunha auténtica autoridade a nivel lingüístico, explicou o seu director Xosé Luís Regueira Fernández. O Simposio deste ano tivo carácter conmemorativo antes que temático e a el sumouse a vontade do ILG de homenaxear a tres persoas que comezaron a súa andaina investigadora na institución nesa década fundacional e que continúan plenamente activos na actualidade.
O criterio dunha liña temática concreta substituíuse desta vez pola homenaxe na que tomaron parte unha representación do persoal investigador novo do ILG, investigadores destacados das tres universidades galegas, así como estranxeiros/as de longa traxectoria de colaboración co ILG. Esforzámonos en difundir nos países da nosa contorna o que se facía aquí pero tamén queremos ir máis alá, situar os estudos sobre lingüística a nivel internacional, continúa o profesor Regueira Fernández. As novas tecnoloxías conforman outro dos nosos horizontes de futuro. Hai que construír ferramentas non só para o persoal investigador, senón tamén para a sociedade en xeral como é o caso dos asistentes de fala ou dos tradutores, entre outros, que teñen unha gran incidencia no prestixio do idioma, engade.
Ao longo de catro xornadas interviñeron diversos colaboradores do ILG de universidades de Galicia, Portugal, Brasil e Suíza e tres investigadores novos da institución. A inicial reflexión sobre o labor realizado por este instituto de investigación nos seus 50 anos de vida foi seguida de relatorios que versaron sobre diversos temas de lingüística e filoloxía galegas nos que se traballa actualmente e se vai seguir traballando nos próximos anos como é o caso do galego nas tecnoloxías da información e a comunicación, tradicións discursivas, lexicografía, toponimia, sociolingüística ou prosa medieval. Tamén se trataron aspectos de historia da Galicia moderna, sobre o portugués de Angola e Mozambique e sobre a paleografía no Brasil.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
