jueves, 5 de noviembre de 2026
Ademais, quere contribuír a desenvolver políticas que repercutan na mellora da calidade do emprego e nas condicións de vida da cidadanía.
O traballo foi presentado este xoves no Concello por Andrés Mazaira, profesor da Facultade de Ciencias Empresariais e Turismo do campus responsable do informe, e Gonzalo Pérez Jácome, alcalde de Ourense. No acto, Andrés Mazaira salientou como tendo en conta que a realidade do emprego é moi complexa e algo vital para os cidadáns, o traballo non é tanto un informe curtopracista senón que con el o que se pretendía era ver, desde o momento actual cara atrás, que ten pasado e velo desde un punto de vista holístico, é dicir, transversal. Pola súa banda, Pérez Jácome indicou que o informe realizado é un traballo espectacular que pode ser vital para o que é a estratexia que podemos facer nós a partir de aquí no eido da creación de emprego.
O futuro da cidade
Segundo indican en nota de prensa desde o órgano municipal, o traballo recolle datos tales como que o 0,5% das empresas locais teñen 50 ou máis traballadores (o 96% do tecido empresarial correspóndelle ás microempresas); que o desemprego se concentra na construción, na hostalaría e no comercio e que a economía do concello se concentra en actividades de baixo valor engadido. Isto tradúcese en menores ingresos e menores rendas familiares se se comparan con outras cidades de Galicia. Entre as alarmas que identifica o estudo está a do emprego feminino: as mulleres novas, máis preparadas que nunca, saen da cidade para atopar emprego pero non retornan, apuntan.
O informe socioeconómico presentado, indican desde o Concello de Ourense, é pormenorizado ata o punto de facer análises por cuadrículas de quilómetro cadrado na cidade, o que permite identificar onde, como e a quen dirixir os esforzos das políticas municipais. Neste senso, engaden, identifícase o Servizo de Emprego do Concello de Ourense como unha ferramenta vital para deseñar o futuro da cidade. Isto, engaden, non se poderá realizar sen a necesaria cooperación coas entidades supramunicipais -con competencias en materia de creación de emprego- ás que poderlles ofrecer as necesidades e particularidades da cidade contidas no estudo.
O traballo foi realizado polos membros do Departamento de Organización de Empresas e Márketing da Universidade de Vigo Isabel Diéguez, Ana Gueimonde e Andrés Mazaira e pódese consultar integramente en Internet.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
