domingo, 13 de septiembre de 2026
A titular do departamento autonómico presidiu hoxe no Pazo de San Roque, en Santiago de Compostela, o acto de presentación desta iniciativa na que participan unha vintena de influencers e personaxes relevantes do mundo da música, o deporte, a cociña, as ciencias ou o emprendemento galego que coa súa testemuña agardan causar efecto para quen son referentes.
Lorenzana explicou que os medios de comunicación e as redes sociais resultan imprescindibles no labor de concienciación e serven de plataforma para denunciar inxustizas á vez que guían á opinión pública e son tribuna desde a que crear conciencia social, apuntou. Para a conselleira, é preciso seguir loitando contra a fenda salarial, o teito de cristal, a dobre discriminación por razón de xénero e de discapacidade, o acoso na rúa ou a falta de perspectiva de xénero. Estou convencida que coas vosas reflexións estades axudando a mudar esta situación, engadiu.
No acto de presentación participaron unha representación das personalidades que forman parte da campaña: Esther Estévez, presentadora do espazo DígochoEu da TVG; Manuel Loureiro, escritor e avogado; Jorge López e Tatiana González, cofundadores da empresa Beflamboyant e premiados co galardón Talento Mozo Xunta 2020; Mari Carmen Villar, influencer en lingua de signos do canle de YouTube Familia Vázquez; e Gabri Fuentes, presentador do espazo Menos dun minuto da TVG.
Ademais participan coas súas testemuñas Roi Méndez, cantante, guitarrista, actor e ex concursante de Operación Triunfo (OT) 2017; Teresa Portela, piragüista e campioa de 15 medallas en campionatos do mundo; Tamara Echegoyen, medalla de ouro de vela nos Xogos Olímpicos de Londres 2012; Borja Golán, campión de Europa de squash en Chequia 2016 e en Austria 2018; María Murnau, activista feminista, escritora e autora de Feminismo ilustrado e Diario dunha rebelde; Sabela Ramil, cantante, clarinetista e ex concursante de Operación Triunfo (OT) 2019; Susana Rodríguez, médica e campioa de triatlon nos Xogos Paralímpicos de Australia 2018; Borja López, xogador do circuíto mundial de padel (World Padel Tour); Sofía Toro, medalla de ouro de vela nos Xogos Olímpicos de Londres 2012; Erea Louro, influencer especializada en moda e creadora do blog All that she wants; Héctor Ares, xornalista especializado en motor e finalista do certame nacional Influencer Award 2020; Sara Donoso, crítica e comisaria de arte e premio Talento Xunta de Galicia 2020; Cristian Vidal, investigador, especialista en química orgánica sintética e premio Talento Mozo Xunta de Galicia 2020; e Iván Mariñas, finalista de Masterchef 8.
A conselleira de Emprego e Igualdade agarda que #IgualdadeFollowers contribúa ao avance cara a igualdade e ao chamamento da mocidade, xa que, segundo indicou, ter referentes actuais e saudables nesta causa move á nosa mocidade cara o cambio de paradigmas que pretendemos para Galicia. Para rematar, Lorenzana agradeceu á Asociación de Periodistas de Galicia o seu compromiso coa igualdade de xénero e o esforzo investido para que esta iniciativa saíra adiante.
A reposición dálle continuidade á aposta do Centro Dramático Galego por recuperar títulos do seu repertorio que manteñen a demanda do público máis alá da súa primeira exhibición. No caso de 'A serie clopen', as 33 funcións ofrecidas no Salón Teatro durante a súa estrea en 2025 reuniron arredor de 5.500 espectadores, antes de iniciar unha serie de representacións por outros espazos de Galicia e de Portugal. O regreso aos escenarios prodúcese despois do recoñecemento acadado pola produción nos Premios de Teatro María Casares, pois obtivo dous galardóns: Natalia Pajarito, como mellor actriz protagonista, e Marta Alonso Tejada, pola dirección de movemento.
O sábado 12 de setembro chegará un dos pratos fortes do ciclo: A Movida Viguesa e a Homenaxe a Golpes Bajos. Esta histórica xornada supón o regreso aos escenarios de artistas fundamentais para comprender a historia musical de Vigo e de Galicia. Bandas e músicos que naceron na cidade e que, desde aquí, conquistaron o panorama nacional e mesmo internacional. Reunir nun mesmo escenario a Golpes Bajos, Semen Up, Miguel Costas de Siniestro Total, Killer Barbies e Stoned at Pompei é moito máis que un concerto: é unha homenaxe a unha xeración irrepetible e a unha cidade que marcou unha época dentro da música española.
