martes, 11 de agosto de 2026
O proxecto a prol do impulso das prácticas agroecolóxicas en Europa reúne entre os seus participantes a doce socios de diversos países do vello continente, un consorcio que traballará ao longo de tres anos ata 2023 co obxecto de apoiar e impulsar un marco acaído para desenvolver unha rede europea de laboratorios vivos agroecolóxicos, ademais de novas infraestruturas de investigación e espazos de aprendizaxe para agricultores, así como para investigadores e demais actores da sociedade civil.
A agricultura e os sistemas alimentarios europeos ven fortemente afectados por un gran número de retos como a erosión e a degradación do chan, a calidade da auga, a perda de biodiversidade, a inseguridade alimentaria, o acceso á terra e outros recursos produtivos, o endebedamento dos agricultores, a perda de explotacións ou o cambio climático, subliñan desde o grupo de investigación Sistemas Silvopastorais da EPS de Enxeñaría.
A agroecoloxía, engade Rosa Mosquera, como forma de deseñar, desenvolver e promover a transición cara a sistemas agrícolas e alimentarios respectuosos coa biodiversidade, de baixo impacto ambiental e social e economicamente xustos, aparece como un enfoque crave para afrontar estes retos.
A catedrática da USC sinala neste senso que o proxecto AE4EU, cuxas primeiras sesións de traballo comezaron en xaneiro, ten como obxectivo principal favorecer unha transición de éxito cara a agroecoloxía a través dun forte desenvolvemento con accións conxuntas ambiciosas e a longo prazo a nivel europeo nos eidos da investigación, innovación, redes, formación e educación.
A creación e posta en marcha dunha rede europea de laboratorios vivos e a conseguinte participación de diferentes actores de diversos horizontes e sectores, permitirá aos socios implicados neste proxecto incluído na estratexia Horizonte 2020, analizar a agroecoloxía a través dos seus diferentes alicerces, desde a óptica da ciencia, pero tamén como conxunto de prácticas e como movemento social, conclúe Mosquera.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
