martes, 3 de noviembre de 2026
Producidos por Adarme Visual e dirixida por David Hernández, Lens é o responsable dos guións desta serie de documentais, dedicados cada un deles a un creador ou creadora, cos que busca sobre todo amosar como traballan, sinala o fotógrafo e docente.
O proxecto arrancaba neste mes de marzo coa difusión das cinco primeiras curtametraxes, desenvolvidas ao abeiro do Fondo de proxectos culturais Xacobeo 2021 da Xunta de Galicia e dedicados a Manuel Sendón, fotógrafo e profesor da Facultade de Belas Artes, Eva Díez, Javier Teniente, Raquel Calviño e Miguel Vidal. Mais, como salientan desde a produtora, trátase dun proxecto que irá medrando coa incorporación de máis documentais que vaian completando o panorama da fotografía de creación galega. Nese senso, Lens pon de relevo que, máis aló dalgunha reportaxe concreta, en Galicia non hai nada parecido a unha serie que pretende ter continuidade, con novas curtametraxes centradas noutra serie de fotógrafos e fotógrafas.
Un achegamento ás diferentes formas de entender a fotografía
Segundo explica Adarme Visual, esta serie de documentais monográficos de 15 minutos abórdanse como unha mostraxe da obra e vida e cada autor ou autora, de tal xeito que máis que afondar na súa biografía pretenden ser unha aproximación ao xeito de traballar de cada autor, explicado en primeira persoa a través dunha entrevista e da observación do modo de traballo do artista. Nese senso, Lens, responsable tanto do texto da narración introdutoria que presenta aos e ás protagonistas de cada peza como da batería de preguntas que se lles realizan, destaca que o seu obxectivo é provocar unha emoción con cada un dos fotógrafos. Nese senso, lembra que nas curtametraxes non se fala do seu currículo, senón que son pinceladas visuais nas que se pretende sobre todo amosar como traballan.
Con esa idea, no proceso de predrodución de cada curtametraxe, Lens buscou ir máis aló da traxectoria dos seleccionados e seleccionadas e analizar outras entrevistas e outras referencias que lle permitisen observar un pouco como pensaban, tendo en conta a ligazón entre creador e obra que implica esta disciplina. A fotografía é tan catártica que plasma moito da túa forma de ser, da túa personalidade, sostén o tamén fotógrafo, que destaca nese senso que o propósito destas curtametraxes é que a través das declaracións e das propias obras das e os protagonistas sexa posible "facernos unha idea de como é a personalidade dese fotógrafo.
Unha selección que busca a diversidade
Ademais de elaborar os guións, o docente do campus pontevedrés participou tamén na selección dos fotógrafos e fotógrafas que protagonizarían esta serie de monográficos. O obxectivo, sinala, era que houbese variedade tanto xeográfica como de estilo, de tal xeito que esta escolma se detivese tanto na fotografía documental como na de autor, no retrato, nos traballos en branco e negro..., ao mesmo tempo que buscaron tamén reunir representantes de diferentes xeracións. Mais, como explica, a situación xerada pola covid-19 provocou que nesta primeira entrega de cinco curtametraxes non se puidese ter tanta variedade xeográfica e haxa quizais un maior protagonismo de fotógrafos do sur de Galicia. Non obstante, sinala, o obxectivo de Adarme Visual é continuar ampliando o proxecto e chegar cando menos a 20 ou 25 pezas, que á vez que se difunden a través da web de Ollar, poidan ter tamén un percorrido individual.
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
