jueves, 22 de octubre de 2026
A USC forma parte do Clúster Galego de Solucións Ambientais e Economía Circular (VIRATEC) cuxa asemblea fundacional celebrouse en Compostela este luns. É o primeiro clúster de medio ambiente en Galicia nun sector cunha cifra de negocio de aproximadamente dous mil millóns de euros e en cuxo despegue participan 55 empresas e entidades. A USC estará representada a través do Instituto CRETUS.
VIRATEC busca ser un referente no desenvolvemento e implementación de tecnoloxías, procesos e solucións ambientais e a súa misión será incrementar a capacidade tecnolóxica, de innovación e competitividade das empresas galegas que achegan solucións ambientais fomentando un ecosistema de cooperación pública-privada e entre empresas. Entre os seus obxectivos, a agrupación potenciará as sinerxías entre distintas áreas de coñecemento, promovendo a I+D+i, mellorando a formación e creando oportunidades de internacionalización para contribuír ao desenvolvemento sostible da sociedade galega e a preservación do seu medio ambiente baixo os principios da economía circular.
Como queda recollida na súa acta fundacional, VIRATEC pretende aglutinar os actores galegos, directa ou indirectamente, involucrados no sector das solucións ambientais, dende as empresas ou proveedores, ata clientes, universidades e centros tecnolóxicos, entre outros. Na sesión fundacional celebrada este luns participaron de xeito telemático e presencial a comisión xestora e as empresas e entidades participantes. De xeito presencial asistiron o director do CRETUS, Juan Lema; o director xeral de Viaqua, Julio Masid; a directora de Competitividade Estratéxica de Agroamb, Josefa de León; e a responsable técnica da Unidade de Biogás de Norvento Enerxía, Helena Penas.
A primeira etapa da xira de A Gaivota, ensaio aberto desenvolveuse do 12 ao 15 de outubro na sala Atahualpa do Teatro El Galpón de Montevideo, en coprodución con esta institución e no marco do Festival Internacional de Artes Escénicas de Uruguai, FIDAE. O programa comprendeu sete representacións nas que Déborah Vukuić compartiu escenario con Camila Durán e Claudia Trecu, que entraron no lugar das actrices galegas Uxía Suevos e Mercedes Castro. A magnífica resposta do público uruguaio contou cunha destacada presenza da comunidade galega, que converteu as funcións nun espazo de encontro arredor da lingua e da creación escénica de Galicia. Esta acollida precede a chegada á Arxentina, onde Déborah Vukuić compartirá escenario coas actrices locais Eugenia Alonso e Carmela Rivero.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
