martes, 27 de octubre de 2026
Tamén participaron no acto Xosé Luna, autor do limiar; Amalia López Luchi, ilustradora; e Armando Requeixo.
O poemario Nobelo de luz inspírase na experiencia docente da autora para narrar en primeira persoa os desexos e inquedanzas dun meniño especial que ten dificultades para expresarse e ser comprendido. A obra apela á esperanza para abrirlle os ollos á sociedade e concienciala de que cómpre un mundo máis comprensible e comprensivo. En palabras de Xosé Luna, autor do limiar, Nobelo de luz é unha lección de vida para entender que todos somos diferente(mente) iguais. A obra conta coa colaboración da Consellería de Cultura e Turismo, a través da Secretaría Xeral de Política Lingüística, e do restaurante Enxebre Porta do Sol de Lamela.
A autora
A lalinense Charo Golmar desenvolve o seu labor profesional como docente no CEIP Xesús Golmar de Lalín (Pontevedra). Vencellada desde sempre ao mundo da literatura e da cultura, é colaboradora asidua en obras colectivas e participante activa en actos de recoñecemento a persoas relacionadas dos ámbitos cultural, literario e docente. É, ademais, membro do Padroado da Fundación Xosé Neira Vilas.
Entroutros galardóns, conta no seu haber con recoñecementos poéticos e é autora de obras colectivas, como Libro dos Reis Magos (2012), Homenaxe a Manuel María (2015-2017) , Homenaxe a Olimpio Arca Caldas (2016) ou Pico Sacro ferido polo lóstrego e a lenda (2017).
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
