sábado, 14 de marzo de 2026
Á súa esquerda e máis abaixo, sempre en dirección noroeste, localízase facilmente con prismáticos, loxicamente desde lugares sen contaminación lumínica e con polo menos esa zona do horizonte despexada, explica José Ángel Docobo Durántez, director do Observatorio Astronómico Ramón María Aller da USC.
O mellor momento para velo é entre unha hora e hora e media despois da posta do Sol. A partir do xoves, que é cando vai estar o máis preto posible da Terra, a pouco máis de cen millóns de kilómetros, o cometa irá perdendo brillo ata desaparecer, continúa Docobo. O seu período orbital en torno ao Sol é de aproximadamente sete mil anos.
A Xunta de Galicia puxo en marcha a plataforma PRESENTES.gal, unha ferramenta pública destinada a visibilizar o talento feminino galego e facilitar a presenza de mulleres expertas nos espazos de debate, coñecemento e divulgación. Impulsada pola Consellería de Política Social e Igualdade, esta iniciativa constitúe a maior comunidade dixital de mulleres profesionais de Galicia, co obxectivo de facilitar que organizadores de eventos, institucións, empresas ou medios de comunicación poidan localizar referentes femininos nos distintos ámbitos profesionais.
O proxecto, que leva por nome Ways, usa o concepto do Camiño de Santiago para conectar á cidadanía coa ciencia inspirándose no espírito de intercambio e mobilidade que caracteriza á Ruta Xacobea. Con esta finalidade, proponse converter o proxecto nun percorrido europeo que une tres rexións: Galicia (España), Pomorskie (Polonia) e Emilia-Romagna (Italia) a través das cidades de Santiago, Gdynia, Rávena e Módena. A Comisión Europea é a institución encargada da convocatoria, denominada Science Comes to Town e que acada a súa terceira edición. A través dela, financia iniciativas que achegan a ciencia á sociedade. Apoia a organización de eventos públicos como festivais, obradoiros ou actividades educativas co obxectivo de promover a cultura científica, fomentar o interese pola investigación e fortalecer a relación entre ciencia e cidadanía.
