martes, 27 de octubre de 2026
O Director da MIT mostrou a satisfacción de todo o equipo do festival ante o recoñecemento da profesión do conxunto de España a un festival histórico pero con desexo de ser cómplice das necesidades do presente, tanto do público coma das novas creacións. A MIT de Ribadavia é sen ningunha dúbida (e este gran recoñecemento refórzao) o principal sinal de identidade do teatro galego dentro e fóra de Galicia: un festival con raíces, aberto ao mundo, con capacidade de asumir riscos e responsabilidades que poñan en valor o patrimonio e a creación galega no exterior. O Director falou dun festival que propicia e que facilita, que permite tomar conciencia crítica da xenealoxía cultural e que o novo se lea en relación ao contexto e ao pasado, que abre a porta dos dereitos da cidadanía a unha cultura escénica diversa e pon en valor os impulsos do común. A MIT é un mapa de afectos, de esforzos e de innovación dende a periferia e sen complexos, un festival que reforza a idea de cultura como traballo constante, a prol da comunidade e sen efectismos, unha reivindicación do rigor e da lexitimación do exercicio profesional como servizo público, sen propagandas nin instrumentalización política. Un festival que nace do colectivo social e activista de Abrente para un tempo novo no cal seguir loitando contra quen fomenta e apoia o discurso do odio e a censura. Unha balsa para a liberdade de creación e expresión.
A MIT quere agradecer este recoñecemento, que reforza ademais a imaxe positiva do conxunto de todas as artes escénicas galegas, nun momento de especiais dificultades para a Cultura en Galicia.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
