jueves, 6 de agosto de 2026
Este proxecto coloca a Ourense como líder da enerxía xeotérmica en Europa, afirma Jorge Pumar, concelleiro de Promoción Económica. Foi un compromiso adquirido ao inicio do mandato que suporá que os vindeiros anos cheguen grandes investimentos para esta cidade.
O proxecto, liderado polo Concello de Ourense, aposta por fomentar unha cidade sostible, baseada na utilización das enerxías renovables, e moi especialmente dun dos maiores recursos endóxenos cos que conta a cidade de Ourense, a xeotermia -explican desde a Concellería de Promoción Económica- e permitirá crear os alicerces dunha estratexia de sostibilidade urbanística e respecto ao medio ambiente.
Así, explican que no seu marco creará un mapa de recursos de áreas de potencial xeotermal, comezando cun proxecto piloto que se desenvolverá no Centro de innovación municipal La Molinera. Xunto con Ourense tamén realizarán estudios similares as cidades de Tenerife, Gran Canaria en España ou as Illas Azores en Portugal.
O proxecto Geoatlantic, liderado desde o Concello de Ourense, aposta por promover o uso da enerxía xeotérmica nas comunidades europeas por medio dun conxunto de ferramentas e metodoloxías que permitan crear as condicións necesarias, para favorecer a transición enerxética no Espazo Atlántico a través da posta en marcha de ecosistemas locais favorables, para o impulso dos recursos xeotérmicos locais.
Espazo Atlántico
O obxectivo xeral do programa Espazo Atlántico, cofinanciador do proxecto, é implementar solucións para responder os desafíos rexionais no ámbito da innovación, a eficiencia dos recursos, o Medio Ambiente e os bens culturais, apoiando o desenvolvemento rexional e o crecemento sustentable.
Como parte da Política de Cohesión da Unión Europea, o Programa INTERREG Espazo Atlántico apoia proxectos de cooperación transnacional en 37 rexións Atlánticas de cinco países: Francia, Irlanda, Portugal, España e Reino Unido, contribuíndo aos obxectivos en materia de cohesión económica, social e territorial.
A Xunta habilitou hoxe un apartado específico dentro da páxina web de MeteoGalicia para facilitar o acceso e as consultas relacionadas coa predición do tempo en todos os concellos galegos durante a xornada da eclipse solar, prevista para o vindeiro día 12 de agosto. Galicia será unha das rexións nas que mellor se poderá observar este fenómeno astronómico de carácter excepcional, aínda que non en todas as zonas se apreciará por igual. De feito, no espazo web dedicado ao tempo durante a eclipse hai un mapa con todos os concellos sobre o que se indica en cales será total e en cales se verá de forma parcial.
Co obxectivo de pór en valor os máis de 2.555 quilómetros de litoral que posúe Galicia, a Xunta ven de lanzar o Camiño do Litoral. Trátase dun itinerario único que discorre por 78 municipios costeiros a través de 52 etapas, concibido para ofrecer unha alternativa de turismo sustentable e amosar a convivencia entre a conservación ambiental e o desenvolvemento socioeconómico da zona. Esta gran ruta vertebradora, que xurde como unha das medidas clave ao abeiro da Lei de ordenación e xestión integrada do litoral de Galicia, conecta espazos naturais, vilas mariñeiras e un rico patrimonio.
