miércoles, 16 de julio de 2025
CTMI 2019 procura a promoción e difusión de ferramentas matemáticas tales como a estatÃstica, o Big Data, MSO (Modelado, Simulación e Optimización) e as súas aplicacións industriais, asà como a promoción de novas liñas de investigación orientadas ás necesidades da industria e da sociedade en xeral, a renovación dos plans de estudo neste eido e en todos os niveis educativos. Neste senso, este encontro internacional agarda reforzar a interacción entre a academia e a industria coa conseguinte innovación en ambos os dous campos e, en opinión dos seus promotores, está chamado a converterse nun dos principais foros de presentación de avances significativos en materia de matemáticas industriais.
Para participar no CTMI 2019 na sección de Comunicacións e na de pósteres de casos de éxito, as achegas deberán enviarse a través da web no enlaces habilitados Communications ou Success stories posters . Este congreso internacional é ademais un evento satélite do International Congress on Industrial and Applied Mathematics (ICIAM) a celebrar unha semana antes en Valencia.
Os Concertos do Xacobeo regresan esta fin de semana á Praia da Concha de VilagarcÃa de Arousa dándolle cobertura a unha nova edición do Atlantic Fest. Neste 2025, no cartel do Atlantic Fest danse cita, grandes figuras imprescindibles da escena indie-rock e o pop internacional, estatal e galega, como Primal Scream, The Jesus and Mary Chain, Slowdive, Zahara, Xoel López, Los Planetas e León Benavente, entre moitos outros, que actuarán no escenario principal do festival. As actividades gastronómicas celebraranse durante o venres 18 e sábado 19 de xullo, con degustacións e showcookings dirixidos por profesionais recoñecidos. O venres, ás 19:30 horas, a experta Salomé Beiroa será a encargada dunha cata de queixos galegos, e a partir das 22:00 horas terá lugar un showcooking a cargo do chef Iñaki Bretal, do restaurante Eirado da Leña (Pontevedra).
No que vai de ano vense rexistrando un crecemento responsable e equilibrado do turismo en Galicia, marcado por un carácter desestacionalizador do destino con incrementos de viaxeiros en xaneiro (+4%), febreiro (+3%) e maio (+4%). A isto súmase o efecto Semana Santa en marzo e abril, cun incremento neste último mes do 20%. Estas cifras xunto co feito de que o peso do verán en 2024 foi do 29% en número de viaxeiros e do 35% en noites constata que a desestacionalización do destino estase conseguindo, garantido asà unha rendibilidade durante todo o ano.
