Notas de prensa

A colleita da D.O. Ribeira Sacra, dous anos consecutivos sendo Excelente

Este venres celebrouse no Centro Sociocultural de Paradela, a Cata de Cualificación da colleita 2018 na D.O. Ribeira Sacra, co obxectivo de establecer unha valoración media desta última colleita. O panel de cata valorou 10 referencias, representativas das 5 subzonas (Amandi, Chantada, Quiroga- Bibei, Ribeiras do Miño e Ribeiras do Sil), catando mostras de pequenas e grandes adegas, e mostras de depósito e xa no mercado.

A idea é ter un abano diverso, co obxectivo de determinar unha calidade media dos viños, que resultou ser EXCELENTE, cunha puntuación de 8.1.

Integraban o panel de cata:
• Antonio Raluy, membro da Asociación Galega de Catadores
• Mateo Seoane Corral, membro da Asociación Sumilleres de Gallaecia
• Argimiro Levoso Touceda, membro da Asociación Galega de Enólogos
• Jesús Rodríguez Carreiras, membro da Asociación Vitislucus, Expertos en Análise Sensorial e Enoturismo e Profesor de Servicios en Restauración na Escola de Hostalería de Lugo "IES Sanxiallo"

• Alfonso Losada Quiroga, experto en Análise Sensorial de Viños
• Francisco Javier Rodríguez Medela, membro do panel del cata del C.R.D.O.R.S.
• José María Martínez Alonso, membro do panel de cata do C.R.D.O.R.S.
• José María Martínez Matos, membro do panel de cata do C.R.D.O.R.S.
• Juan Angel Martínez, membro do panel de cata do C.R.D.O.R.S.
• Xesús Verao Pérez, membro do panel de cata do C.R.D.O.R.S.

Antonio Raluy, da Asociación Galega de Catadores, destacaba, “Son viños sorprendentes, no sentido que notabas una estrutura e un frescor, a estas alturas do ano, moi interesantes. Dá a impresión de que nos vai a levar a unha anada para gozar. Esa frescura adiántanos un ano esperanzador.”

Alfonso Losada, do panel de cata do C.R.D.O.R.S. apuntaba, “Foi un ano no que houbo enfermidades criptogámicas do viñedo, pero a colleita que se conservou, madurou moi ben nas últimas etapas e fai que deamos esta puntuación de EXCELENTE”.

Mateo Seoane Corral, da Asociación Sumilleres de Gallaecia, sinalaba, “Apréciase a variedade, o frescor, o potencial que ten a Denominación de Orixe. Unha calidade, que se nos remontamos a hai 10 anos, vese que a evolución é moi positiva. Todos os viños de Ribeira Sacra teñen esa froita e esa frescura propia dos chans onde nacen, a orografía, a climatoloxía… Son viños que non están pasados de grao alcólico, teñen esa punta de acidez que os diferenza do resto de viños do panorama nacional.”

Xesús Verao Pérez, do panel de cata do C.R.D.O.R.S. destacaba “Son viños, que a estas alturas do ano están moi equilibrados, cun tanino ao que se lle ve maduración e en nariz véselles frescura, agradables, na liña que está a Denominación, ultimamente.”

O Consello Regulador organiza esta cata co fin de informar os consumidores sobre a calidade dos viños que se van a atopar no mercado. A primeira cata de cualificación celebrouse no 1996, co resultado de “BOA”. Desde entón, todas as cualificacións foron de “MOI BOA”, agás no 2000, o ano pasado e este, que foron “EXCELENTES”.

Consello Regulador D.O. Ribeira Sacra, 2019-02-22

Actualidad

Foto del resto de noticias (union-europea-bandeiras.jpg) O director xeral de Relacións Exteriores e coa UE, Jesús Gamallo, participou na sesión plenaria do Comité Europeo das Rexións (CdR), onde Galicia presentou 21 emendas a catro dos ditames sometidos a aprobación. Un dos máis relevantes para a comunidade foi o ditame sobre a ferramenta de facilitación transfronteiriza. Calcúlase que a eliminación do 20% das barreiras e obstáculos xurídicos e administrativos actuais entre rexións de fronteira na UE -entre as que se atopa Galicia, que conforma unha Eurorrexión xunto co Norte de Portugal- permitiría aumentar o seu PIB nun 2% e crear nelas ata un millón de empregos.
Foto de la tercera plana (cdc-01.jpg) InnovArt 24, o maior evento en Galicia de promoción e difusión das ensinanzas artísticas, de idiomas e deportivas propicia o encontro entre as vocacións e os profesionais, e facilita que o alumnado de diferentes niveis educativos se familiaricen e tomen contacto cos eidos da arte dramática, as artes plásticas e deseño, a conservación e restauración de bens culturais, a danza, as ensinanzas deportivas, os idiomas e a música. A feira conta cunha zona de 4.100 m² no Museo Centro Gaiás, na que os visitantes poden participar en obradoiros de artes plásticas e deseño, traballos de conservación e restauración de bens culturais, actividades deportivas didácticas de música, arte dramática e danza, así como de idiomas. Tamén se ofrecen mostras e exhibicións das distintas ensinanzas, concertos, conferencias e espectáculos escénicos en directo.

Notas

Mostrar á cidadanía os resultados do traballo realizado ao longo do curso nas aulas teatrais dos tres campus da UVigo, á vez que achegar a cidade propostas escénicas chegadas desde outros países. Estes dous obxectivos conflúen na XV Mostra Internacional de Teatro Universitario de Pontevedra (Miteu), que se desenvolverá entre o 24 de abril e o 3 de maio, con cinco funcións con entrada libre no Teatro Principal, todas elas ás 20.30 horas.
A Sala Cloud do Centro de Investigación en Tecnoloxías da Información e as Comunicacións (CITIC) acollerá o vindeiro martes un novo taller do ciclo HumanIA UDC, organizado polo Consello Social e a Facultade de Humanidades da UDCe por dito centro. Baixo o título 'Perfís profesionais: Humanidades e IA', a experta en lingüística, tecnoloxía e diversidade, Cristina Aranda, cofundadora de Big Onion e Mujeres Tech, explicará as claves da cooperación entre perfís profesionais de cara ao futuro e presente da IA.
PUBLICIDAD
ACTUALIDAD GALICIADIGITAL
Blog de GaliciaDigital
PUBLICACIONES