viernes, 6 de noviembre de 2026
Tamén se valorarán aqueles que teñan capacidade de achegar valor engadido ao tecido empresarial galego, de dinamizar os sectores estratéxicos e de consolidarse no mercado. O comité para a selección dos proxectos tamén terá en conta as aptitudes do equipo e o seu potencial para atraer investimentos, entre outros.
O orzamento que se destinará á sexta edición de ViaGalicia alcanza os dous millóns de euros para poder prestar aos emprendedores seleccionados formación, mentoring, tutorización e espazos de coworking e, ademais, financiamento para aquelas startups que cheguen á fase de aceleración.
Unha vez que remate o perÃodo de presentación dos proxectos, levarase a cabo unha primeira escolla dun máximo de 80 proxectos entre as dúas sedes de ViaGalicia (Vigo e Lugo) que poderán participar na Startup Day. Nesta xornada avaliaranse as habilidades dos emprendedores para seleccionar ata 40 proxectos (20 por sede) para a súa pre-aceleración durante a fase de Academia que durará sete semanas. Neste perÃodo os participantes recibirán formación sobre as ferramentas e coñecementos necesarios para mellorar o seu modelo de negocio e a comunicación da súa proposta de valor.
Posteriormente, na Demo Day, os emprendedores seleccionados defenderán o seu proxecto ante o Comité Técnico, formado por expertos de ViaGalicia e por representantes das entidades colaboradoras, que escollerán ata un máximo de 15 plans e que serán os que pasen á fase de Aceleración que terá unha duración de seis meses e terá lugar no Centro de Negocios do Parque Empresarial Porto do Molle, en Nigrán. Os seleccionados, co apoio dun experto, un equipo de titores e mentores, prepararán a presentación das súas iniciativas empresariais en futuras roldas de investimento. A sexta edición de ViaGalicia rematará coa celebración do Investors Day, unha xornada na que defenderán os seus proxectos ante as empresas, colaboradores e fondos de investimento.
A aceleradora ViaGalicia púxose en marcha en 2013 e desde entón contou cun investimento de 8 millóns de euros que permitiu o impulso de máis de 160 proxectos. En total, formalizáronse 68 empresas xerando 340 novos empregos.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os dÃas 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
