martes, 28 de abril de 2026
No acto celebrado en Pontevedra ao que asistiron un grande número de cargos electos dos concellos afectados pola AP-9 e cargos institucionais do BNG, a portavoz nacional Ana Pontón criticou que Núñez Feijóo e o Partido popular en Galiza segan defendendo os intereses de AUDASA e de Rajoy como demostraron, dixo, na última sesión plenaria ao votar en contra da proposta para reclamar a paralización da suba das peaxes. Anunciou a presentación de mocións nos concellos e iniciativas parlamentarias na senda de seguir reclamando a transferencia da infraestrutura e a supresión progresiva das peaxes.
A nacionalista lembrou que son moitos os sectores económicos afectados polas peaxes pero tamén de maneira individual dos usuarios e usuarias polo que non descartou outro tipo de protestas e presión social mancomunada con diferentes ámbitos económicos, sociais, políticos e sindicais. Non podemos ser a muleta que precisa Rajoy para impoñer o abuso e a nova suba peaxes e que representan o dobre da media do Estado.
A dirixente do BNG avogou por: paralizar as peaxes, levantar o veto á transferencia e iniciar as acción necesarias para rescatar a AP-9 para que volva a ser pública, porque sería a mellor maneira de frear esta estafa.
Por outra parte, lembrou que foi un goberno de Aznar quen decidiu ampliar a concesión até 2048 e vendela a prezo de saldo por 1.500 millóns de euros. 1500 millóns dos que non vimos nin un só euro en Galiza.
Os galegos e galegas tamén temos que saber que desde que Rajoy é presidente as peaxes na AP-9 subiron un 36%, catro veces máis que IPC mentres Rajoy nos sube as peaxes da AP-9 un 4%, rebáixalle os impostos a Audasa un 5%. Isto significa que nos dous últimos anos, Rajoy e Feijóo ,perdoáronlle 4 millóns de euros en impostos á concesionaria.
A preguntas dos xornalistas sobre a visita de Mariano Rajoy a Galiza, o vindeiro sábado, para inaugurar a ampliación da ponte de Rande, a portavoz do BNG cualificou o feito de tomadura de pelo. Esa ampliación, insistiu Pontón, non a pagará nin Ana Pastor, nin Rajoy nin Feijóo. Pagarémola todos e todas as galegas coas peaxes a AUDASA e por respecto a todos os usuarios e usuarias da AP-9, o PP debería cancelar esa inauguración. No caso de inaugurala, que o fagan as persoas que a van pagar que somos todos os galegos e galegas a través das peaxes, concluíu a portavoz do BNG.
O FaCeLa Fest reúne este ano a 18 bandas, encabezadas polos ingleses Temples, os galegos Triángulo de Amor Bizarro, os asturianos Australian Blonde e as madrileñas Shego. Completan o cartel o novo proxecto lucense The Foolans, Bernal, Axolotes Mexicanos, Los Palms, Pacífica, Ripship, Error 97, Sigilu, Filophóbicas, Toldos Verdes, Las Yhadys, Aeronave Adolescente, Fotocopia e Sapo Bufo. O escenario principal trasládase nesta edición á Sala Tebras pero haberá tamén concertos noutros espazos da cidade, como o Bar Facela, no barrio da Tinería.
Galicia aposta por ampliar as melloras no ensino tamén ás etapas de ESO, Bacharelato e Formación Profesional con novas propostas en materia de ratios, atención á diversidade e horario docente, dentro da vía de diálogo aberta entre Xunta e sindicatos. As propostas, que se elevarán aos órganos pertinentes coa previsión de comezar a aplicalas desde o novo curso que arranca en setembro, abordan melloras nas ratios de estudantes por aula na ESO e no Bacharelato, na atención que se presta ao alumnado que máis o precisa e na configuración do horario do profesorado e das súas funcións.
