lunes, 21 de julio de 2025
Nesta mesma xornada, presentouse o novo volume da colección Antoloxías da Academia, unha edición de Manuel Ferreiro dedicada aos versos de Pondal.
Víctor F. Freixanes intervén na inauguración do XIX Simposio Pondaliano, acompañado pola vicepresidenta da Deputación da Coruña, Goretti Sanmartín, o especialista en Eduardo Pondal Manuel Ferreiro e o xornalista Xosé Ameixeiras. Fonte: Fundación Eduardo Pondal
O especialista na vida e na obra de Eduardo Pondal Manuel Ferreiro encargouse da introdución, edición e das notas de Eduardo Pondal. Os cantos eran da Patria (120 poemas), o sexto volume da colección que edita a RAG, co apoio da Deputación da Coruña, cadrando co centenario do seu pasamento. O volume xunta os textos poéticos máis significativos e representativos da produción literaria pondaliana, lírica e épica. Manuel Ferreiro é tamén o autor de Esta é a terra dos eidos amigos. Escolma xeográfica da poesía pondaliana (Deputación da Coruña, 2017), que tamén foi presentado neste marco.
O vindeiro martes, 10 de outubro, o académico Ramón Villares participará, xunto a Antonio Raúl de Toro Santos, nunha mesa redonda sobre o celtismo en Pondal. O programa do 17 de outubro contará co tamén académico, e secretario da RAG, Henrique Monteagudo, que ofrecerá unha conferencia sobre Carlos Casares, o autor homenaxeado este ano no Día das Letras Galegas. Ese mesmo día, o CEIP Labarta Pose exporá varios exemplos de boas prácticas arredor desta celebración, presentarase unha unidade didáctica sobre Eduardo Pondal para infantil e primaria e o IES Eduardo Pondal, unha das iniciativas do Club de Ciencia Ponteceso sobre aves no esteiro do Anllóns.
O programa do 24 de outubro incluirá un recital poético da académica Marilar Aleixandre, que pechará a xornada tras a presentación dun vídeo sobre Pondal de Asubío Media e a intervención de Félix Neira baixo o título "A outra maleta de Pondal".
O Himno galego será o eixe da derradeira xornada, o vindeiro 31 de outubro. Antonio Reigosa falará de Pascual Veiga, autor da melodía do poema de Pondal "Os Pinos", e Queimán e Pousa presentarán o seu libro-dvd de homenaxe á composición convertida en Himno.
O 112 Galicia rexistra os seus picos de emerxencia durante as tardes e noites de verán. Os meses estivais traen consigo un cambio nos hábitos da poboación galega: días máis longos, noites máis activas e un aumento significativo das incidencias xestionadas polo 112. Segundo os datos, as franxas horarias con maior demanda son as 15:00 e as 20:00 horas, coincidindo cun estilo de vida máis intenso e prolongado durante o verán. En 2023, o servizo rexistrou medias de 1.300 intervencións entre as 15:00 e as 16:00 horas, e case 1.500 (1.484) entre as 19:00 e as 20:00 horas durante xuño, xullo e agosto. Aínda que en 2024 houbo un descenso global de incidencias (233.289 anuais), estas franxas mantiveron cifras elevadas: máis de 1.000 chamadas á tarde e 1.200 á noite no mesmo período.
O Goberno galego incrementará o orzamento destinado á formación do persoal dos servizos de prevención de incendios forestais ata os 1,8 millóns de euros no bienio 2025-2026, o que supón un 19% máis que no período anterior. Esta medida enmárcase no Plan de Prevención e Defensa contra os Incendios Forestais de Galicia (Pladiga), cuxo obxectivo é minimizar o impacto ecolóxico, económico e social dos lumes, optimizando os recursos dispoñibles. O compromiso formativo da Consellería do Medio Rural xa se reflectiu en 2024, cando se impartiron 473 cursos con 11.447 participantes e máis de 108.000 horas de adestramento.
