lunes, 11 de mayo de 2026
O programa deste ano contempla un amplo número de actividades que se desenvolverán durante catro días -os vindeiros 3, 4, 5 e o 6 de agosto-. O domingo, será a quenda do peche estelar que sempre se corresponde coa Gran Gala Internacional da Mostra, todo un espectáculo que achega a Viveiro as diferentes culturas do mundo.
Durante a presentación da Mostra, ademais do delegado territorial da Xunta, José Manuel Balseiro, que fixo de anfitrión, tamén participaron membros do colectivo organizador como a presidenta de Bágoas da Terra, Maria Carmen López (Chipe) ou Xulio Xiz (presentador da gala), ademais da alcaldesa da localidade, María Loureiro.
Gran potencial cultural, turístico e económico
Balseiro puxo en valor que, como non podía ser doutro xeito, a Xunta está comprometida e apoia a Mostra a través da Consellería de Cultura- e faino baixo o convencemento do potencial cultural, turístico e económico que ten para Viveiro e para o conxunto da comarca e da provincia.
Pero ademais o delegado territorial da Xunta destacou que só hai tres festivais culturais en toda España que conten co aval e o apoio do Ministerio de Cultura e un deles é a Mostra Folklórica de Viveiro o que amosa a magnitude da importancia dun evento que cada ano reúne no seu día grande a unhas 5.000 persoas na praza maior de Viveiro.
Actuacións de sete grupos folclóricos nacionais e internacionais
A Gran Gala do domingo é o prato forte deste evento, tendo en conta ademais que a entrada é libre e de balde ata contemplar o aforo, onde se habilitiará un espazo especialmente destinado para persoas con mobilidade reducida.
Nesta edición contan coa actuación de sete grupos folclóricos. Desde o internacional Ballet de la Universidad de Colima de México; ata Song And Dance Ensemble Bielsko de Polonia; continuando polo Grupo Etnográfico Da Areosa de Portugal ou o Ballet Carmen López de Colombia.
Xa no ámbito nacional están previstas as actuacións dos Coros y Danzas de Granada, e dos Coros y Danzas Jovellanos de Xixón; ademais da actuación do grupo anfitrión como é Bágoas da Terra de Viveiro.
Música na rúa e Mostra Infantil
Pero ademais o programa contempla outras moitas propostas, desde exposicións de pintura ata audicións musicais polas rúas e prazas de Viveiro, xa que logo os corpos de música participantes ofrecerán concertos de música tradicional dos seus respectivos países, como xeito de achegarse mais ao pobo e que este aprecie de primeira man as súas músicas e cantos.
Finalmente, o xoves 3 de agosto, ás 20:30h. na Praza Maior, ten lugar un dos eventos recibidos con maior agarimo, como é a Mostra Folklórica Infantil que nesta ocasión contará coa participación do grupos Cacharelas E Galochas de Saiñas de Xove; do Grupo Mistura de San Cibrao, da ACR Os do 21 de O Vicedo; do Grupo Xilbarbeira de Boiro, do Grupo infantís de Bágoas da Terra: Bazar, Pindusa e Ledaiña; e como convidado especial da Asociación Maura Xeva de Xixón Asturias.
A programación desta nova edición volverá combinar espectáculos de sala, funcións de rúa, instalacións, música e propostas participativas arredor do mundo dos monicreques, con compañías galegas como Tanxarina Títeres, Títeres Alakrán, Babaluva, Mircromina, Trécola Producións, Troula Animación ou Bico de Toupa, xunto a formacións chegadas de diferentes puntos do Estado e de países como Francia, Italia, Portugal, Uruguai ou Arxentina. Entre as montaxes destacadas figura A Biblioteca Galáctica contra IA Fantástica, de Tanxarina Títeres, recoñecida nos Premios María Casares 2026, ademais de propostas premiadas como Gloria Bendita, de Arteria Producciones, ou Érase unha vez
dous pés!, da italiana Teatro dei Piedi.
Os bos resultados acadados nos últimos anos en biotecnoloxía sitúan a Galicia nunha posición de referencia neste sector, con moita proxección de futuro. A biotecnoloxía pasou de ser unha aposta estratéxica a converterse nun sector económico e científico con masa crítica, capacidades diferenciais e resultados medibles. Así o amosan os resultados acadados na execución da Estratexia de consolidación do sector en Galicia 21-25. Entre eles, destaca a creación de 30 novas empresas biotecnolóxicas, acadando a cifra de 162 compañías actuais; unha facturación de 2.037 millóns de euros, que cuadriplica a de 2021 e se sitúa no 2,6% do PIB; ou o aumento do emprego cualificado vencellado ao sector, acadando as 5.693 persoas traballadoras, tres veces máis desde 2021.
