domingo, 13 de julio de 2025
O alcalde presentou as actividades incluÃdas na programación do Apóstolo nas que o Concello colabora coa sección local da Asociación Músicos ao Vivo, dentro do proxecto Compostela É! Música. Martiño Noriega reiterou que o Concello quere que "as festas sexan tamén un escaparate do que se fan os grupos e artistas de Santiago, que poucas veces teñen a oportunidade de mostrárense en escenarios únicos como a praza do Toural". Na rolda de prensa, o rexedor estivo acompañado por dous dos membros da sección compostelá de Músicos Ao Vivo, Xabier Mera e Chus Silva.
O alcalde explicou que o Concello tirou do censo Compostela É! Música para programar un ciclo de concertos na praza do Toural, "dándolle continuidade á iniciativa que tan boa acollida tivo nas festas da Ascensión". Serán un total de sete concertos, dende o 25 ata o 31 de xullo.
Polo escenario do Toural pasarán artistas e grupos de Santiago encadrados en moi distintos estilos musicais. AsÃ, o 25 será a vez da Orquestra Xuvenil de Estudio dirixida por José Nine; o 26 de Falúa, e o 27 de xullo de Xosé Constenla e Os Desbadados. O 28 de xullo pasará polo escenario Kelibén, o 29 farao o grupo de pop-indie Esposa, e o 30 Nastasia Zürcher. A última xornada do escenario Compostela É! Música será para The Funkles e as súas particulares versións dos temas dos Beatles. Todos os concertos serán ás 23:00 horas, salvo o do dÃa 31, que comezará ás 24:00 horas.
Ademais, o Concello botou man do censo Compostela É! Música para programar parte das sesións vermú do Apóstolo, que se celebrarán na praza de Cervantes ás 13:30 horas.
Jam Martiño Pinario
Tamén vinculado ao proxecto Compostela É! Música, o 26 de xuño celebrarase o Jam Martiño Pinario. Trátase dun programa que inclúe charlas, actividades para nenos e nenas, e tamén música en directo con artistas de Santiago. Desta vez participarán The Fabulous Resaca Brothers e Balkin´Blues Band. Haberá tamén unha Jam Session, na que poden participar os grupos que o desexen.
Xabier Mera, da sección local de Músicos ao Vivo, explicou que a intención deste Jam Martiño Pinario "é facer música de proximidade, achegala ás prazas e aos barrios, e facelo ademais nun horario que permita a conciliación e o ocio en familia". Por iso, apuntou, o programa desenvolverase a partir das seis da tarde.
Mera aproveitou para "agradecer ao Concello a implicación coas actividades de Músicos ao Vivo, e a súa aposta pola plataforma Compostela É! Música, que está a servir para visibilizar a oferta de música feita en Santiago e poñela no escaparate dos programadores públicos e privados".
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañÃas entre os concellos de Ames, Outes, MarÃn, Foz e Celanova. ISMO Cultura, colectivo organizador do encontro, estenderá asà a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 2025–2026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. AsÃ, os concertos complementaranse con cinco dÃas de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado.
