sábado, 7 de noviembre de 2026
O conselleiro de EconomÃa, Emprego e Industria, Francisco Conde, asistiu, na Facultade de Ciencias da Comunicación de Santiago, á entrega dos Premios LaconNetwork, dos que destacou que contribúen a reforzar en Galicia un ecosistema emprendedor no que a innovación e o talento son o motor do novo modelo empresarial sustentado na Industria 4.0.
Conde, que agradeceu aos organizadores a celebración deste acto, afirmou que tanto os premiados como o resto de finalistas dos LaconNetwork representan “a excelencia e a innovación” á que aspira Galicia. Neste sentido, subliñou que as propias empresas TIC camiñan nesa dirección, pois unha de cada catro firmas deste sector que naceron nos últimos tres anos están relacionadas coa I+D+i; ao tempo que lembrou que se trata dun ámbito que está a gañar cada vez máis peso na consolidación da recuperación económica de Galicia, con máis de 2.300 empresas, representando o 1,8% do PIB galego e empregando a máis de 15.000 persoas.
O conselleiro de EconomÃa, Emprego e Industria puxo como exemplo a Toño Escudero, cofundador de Creappcuentos que participou en iniciativas nas que colabora a Xunta, como VÃa Vigo e Galicia Open Future, e a quen Conde entregou o premio na categorÃa LaconNetwork Evanxelizador, que recoñece a implicación do gañador á hora de axudar a tomar conciencia de que en Galicia existe un sector TIC en crecemento que xira ao redor da innovación.
Durante a súa intervención, Conde destacou que a Axenda da Competitividade Galicia-Industria 4.0 e a Estratexia de Especialización Intelixente RIS3 son as follas de ruta da Xunta que resumen o modelo industrial de futuro ao que ten que aspirar o tecido empresarial galego para ter un papel proactivo e xerador de tecnoloxÃas innovadoras.
“O impulso transversal das TIC debe ser clave para adaptar os sectores estratéxicos galegos á revolución tecnolóxica que promove a Xunta mediante a Axenda da Competitividade”, apuntou o conselleiro, que lembrou o programa ReAcciona TIC, que impulsa unha conectividade permanente entre empresas e clientes e que na primeira edición, impulsada pola Amtega e o Igape, facilitou o acceso de 65 pemes galegas, das cales preto do 80% son microempresas, a servizos de dixitalización empresarial e Industria 4.0.
Esta aposta polo emprendemento innovador complétase con outras iniciativas como as Unidades Mixtas de Investigación, con 24 iniciativas que mobilizan 84 millóns de euros e máis de 360 empregos, e nas que as TIC e a Industria 4.0 teñen un papel preponderante na última edición; os programas Conecta Peme e Innterconecta, con máis de 170 proxectos innovadores que reforzan a capacidade de 565 empresas galegas con base no coñecemento e primando a transferencia dos resultados ao propio tecido empresarial; a Rede de Aceleradoras de empresas, con máis de 500 proxectos impulsados nos últimos 4 anos; ou como o concurso de ideas Industria 4.0, do que hoxe se publica no Diario Oficial de Galicia (DOG) a convocatoria da segunda edición, na que, entre as novidades, inclúe o desenvolvemento de dous proxectos nos ámbitos especÃficos da fábrica virtual e a TIC industrial, como intelixencia artificial, Internet das cousas ou big data.
Talento
Conde tamén abogou polo fomento do emprego xuvenil innovador. Nesta liña, a Xunta conta co programa Principia, que permitiu a contratación de preto de 140 mozos e mozas investigadores en 57 empresas e organismos de investigación de Galicia; o programa Ignicia, un fondo de proba concepto que, coa colaboración da Fundación Barrié, busca facilitar o acceso ao mercado a preto de 30 proxectos de investigadores galegos: ou como a Compra Pública Innovadora, que xoga un papel destacado no polo tecnolóxico e industrial de avións non tripulados de Rozas coas sete primeiras licitacións para, cunha inversión de 14M€, mellorar a xestión e control de tres ámbitos socioeconómicos estratéxicos para Galicia: os recursos acuáticos, o territorio e o tráfico aéreo.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
