viernes, 6 de noviembre de 2026
O presidente da Xunta, Alberto Núñez Feijóo, salientou o incremento dun 47% dos orzamentos para seguir potenciando a transformación e comercialización dos produtos agrogandeiros. “Seguiremos apoiando todos aqueles proxectos que contribúan a modernizar e fortalecer o sector”, aseverou, precisando que en 2017 se incrementará, ademais, un 35% as partidas destinadas á promoción.
Durante o acto de entrega dos Premios Pyme Carrefour de Galicia, Feijóo subliñou que os produtos galegos son cada vez máis competitivos nos mercados internacionais e lembrou que, hoxe, a Marca Galicia constitúe todo un sinónimo de calidade e distinción.
Nesta liña, referiuse á QueixarÃa Hoxe como un referente do camiño que se debe seguir no eido do lácteo. Non en van, creada hai xa máis de catro décadas por gandeiros e agricultores que decidiron unir esforzos para comercializar de xeito conxunto a produción de leite, na actualidade, esta cooperativa dedÃcase en exclusiva á fabricación de queixos, cunha facturación de máis de 6 millóns de euros.
Ao longo da súa intervención, Feijóo referiuse tamén á constitución o pasado venres de Clun, unha gran cooperativa que xorde da unión de Feiraco, Melisanto e Os Irmandiños e que agrupará 3.600 socios, o 15% do mercado lácteo do paÃs.
Asà mesmo, o titular do Goberno galego afirmou que o sector agroalimentario galego non é alleo tampouco á internacionalización, como proba Pazo de Valdoviño, galardoada co premio á empresa innovadora, e que xa acumula moitos outros galardóns nacionais e internacionais.
Feijóo salientou que a Denominación de Orixe RÃas Baixas aumentou case un 22% as súas exportacións durante a campaña 2015-2016 ata superar os 6 millóns de litros, máis do dobre que en 2009.
Ademais de destacar a responsabilidade social corporativa de Hornos Lamastelle, galardoada polo seu labor de integración das persoas con discapacidade, o responsable autonómico recoñeceu o papel de Carrefour como dinamizador da nosa economÃa, con máis de 550 provedores galegos que traballaron o ano pasado con esta empresa, xerando un volume de 255 millóns de euros en compras de produtos autóctonos.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os dÃas 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
