Notas de prensa

Preséntase a Memoria Anual 2015 do Consello Regulador da Agricultura Ecolóxica de Galicia

Datos destacables da produción:

1 Máis do 55% da produción certificada corresponde a derivados lácteos, principalmente iogur, leite UHT e diversos tipos de queixo.

2 Tamén é importante a produción cárnica, fundamentalmente de avicultura, con máis de 1,7 millóns de €.

3 A produción de castaña, recolleita silvestre ocupa o cuarto lugar con 1,42 millóns de €, 12,45% do total certificado.

4 A Sidra e produción de vinagres de sidra ocupa o cuarto lugar con 925.949 € e o 8,12% do total certificado.

Estas catro producións aglutinan o 90,7% da produción certificada na provincia.

Superficie inscrita en Galicia. Datos para a provincia de Lugo.

A superficie inscrita en agricultura ecolóxica ten un crecemento importante dende o ano 1997 no que se parte de 13,35 hectáreas en toda Galicia. 10 anos despois, 2007 a superficie supera as
10.000 hectáreas, concretamente 10.985,03 ha. É un crecemento espectacular, no que se inscriben todo tipo de producións agrarias.

Para o ano 2015 a superficie acada xa as 20.306,36 hectáreas cun incremento do 85% nos últimos 7 anos desde o 2007. A superficie inscrita pasa de 15.233,10 ha no ano 2014 a 20.306,36 ha no ano 2015, o que supón un crecemento do 33,30 %. O crecemento de superficie na provincia de Lugo no ano 2015 foi dun 36,12%, máis de 2.500 ha de crecemento durante o ano 2015.

Situación a 31 de maio do presente ano:

A peche de maio de 2016, a superficie medra pasando a ter inscritas 23.464,08 hectáreas, representa un crecemento da superficie dun 15,55 % en cinco meses. Esto é debido, en parte as novas axudas para a agricultura ecolóxica, que puxo en marcha a Consellería do Medio Rural no mes de marzo do pasado ano 2015.

Hay un incremento importante na superficie inscrita en Galicia, dun 15,55%, pero aínda é mais elevado na provincia de Lugo, cun crecemento do 23,65%. Está vinculado principalmente a explotacións de vacún, principalmente de leite. Compre destacar que 72,29% da superficie inscrita en Galicia no 2016 foi na provincia de Lugo. Máis da metade da superficie total inscrita en Galicia está na provincia de Lugo.

Case a metade da superficie total certificada en Galicia está na provincia de Lugo (47,53%). Desta superficie total, máis do 75% da adícase á gandería, con pastos temporais, pastos permanentes e pastos pobres.

Os froitos secos e froiteiras tamén teñen importancia, no tocante á castaña o 50% do total de superficie certificada en Galicia atópase na provincia de Lugo, con 725,52 ha. O caso da mazá, con mais de 120 ha e cerca do 50% ha tamén ten a súa importancia.

A metade da produción cerealística galega certificada tamén está inscrita nesta provincia, con máis de 57 ha. Case que o 100% dos cultivos industriais, con 29 ha. están certificados na nosa provincia. Finalmente o 75% das plantacións de aromáticas certificadas en Galicia atópanse na provincia de Lugo, máis de 10 ha.

Evolución dos operadores inscritos.

No seguinte cadro podemos observar a evolución do número de inscritos e o dato da superficie certificada polo C.R.A.E.G.A. nos últimos dezaoito anos. O crecemento no número de inscritos nos rexistros durante o ano 2015 e do 13,37 %. O número de produtores medrou no ano 2015 un 13 % e o número de elaboradores, importadores e comercializadores medra nun 14,77 %.

Para os primeiros cinco meses deste ano o número de operadores medra un 12,17% respecto do ano 2015, sendo esta porcentaxe dun 7,60% nas industrias, e un 13,42% dos produtores. A superficie increméntase neste período nun 15,55 %.

A produción acuícola está presente nas dúas provincias costeiras. A produción vexetal ten maior presencia na provincia de Lugo, con 121 operadores, por 113 de Pontevedra, e 78 e 40 para A Coruña e Ourense respectivamente. Respecto da produción animal, a provincia de Lugo, con 146 explotacións está moi lonxe do resto das provincias, Ourense 48, Pontevedra 16 e 27 na Coruña.

Finalmente, e falando da elaboración e comercialización, volve a ser a primeira por número de operadores a provincia de Lugo con 50, seguida por Pontevedra, con 41 e A Coruña e Ourense con 29 e 26 respectivamente.
Centrándonos nos datos provinciais, máis do 40% dos operadores inscritos atópanse na provincia de Lugo.

Teñen peso as producións gandeiras con case que as 2/3 partes do total de Galicia e os agricultores e industrias elaboradoras, co 34,38% e o 33% respectivamente.

Datos da provincia de Lugo a maio 2016.

Respecto dos datos provinciais a peche de maio de 2016, a variación neta é moi significativa, medrou o total de inscritos nun 18% pasando de 322 a 380 operadores. Corresponden con inscricións nos rexistros de produción animal (38), produción vexetal (15) elaboración (5), produción vexetal (15).

Neste ano 2015 temos un crecemento do 6,76 % de volume de ventas certificadas en ecolóxico. En valor monetario, 2,1 millóns de euros. As principais producións atendendo o volume de negocio son os produtos lácteos, pensos e alimentación animal, carne e derivados, conservas de peixe, outro elaborados, ovos e derivados e produtos de recolleita silvestre.

A produción da provincia de Lugo representa o 34,2 % da produción certificada total. A produción ecolóxica incrementouse no ano 2015 en 236.972 €

4. Conclusións finais.


1 A superficie inscrita da provincia de Lugo a peche dos datos de 2015, representa o 36% de toda a superficie certificada en Galicia. A peche de maio, Lugo xa representa o 50% da superficie total galega certificada en produción ecolóxica.

2 Nos cinco primeiros meses deste ano, inscribíronse en Lugo 2.282 ha, ata acadar as 11.935 ha. Isto representa un 23,65% de crecemento da superficie. O 72,29% da superficie inscrita en Galicia neste ano, corresponde a inscrición de superficie en Lugo. Con ese crecemento de superficie, a peche de maio, o 50% da superficie inscrita en Galicia está na provincia de Lugo.

3 Respecto dos tipos de producións agrarias certificadas en Lugo, o 75% da superficie adícase a gandería, como pastos temporais, pastos permanentes e pastos pobres. Con respecto dos froitos secos e froiteiras, o 50% da superficie galega inscrita atopase na provincia de Lugo. Respecto da produción de cereais, tamén atopamos en Lugo a metade da produción certificada en Galicia. O 100% dos cultivos industriais e o 75% das superficies aromáticas inscritas en Galicia tamén se atopan inscritas na provincia de Lugo.

4 A provincia de Lugo ten grande diversidade de produtores, destacando por número os adicados a produción gandeira de vacún de carne e leite fundamentalmente, produción vexetal fundamentalmente recolleita silvestre e fruticultura e industrias elaboradoras. A peche de 2015, o total de operadores inscritos en Lugo representan o 42,5%.

5 Os produtos lácteos representan máis da metade da produción certificada na provincia, concretamente o 55%. A carne avícola e de vacún, con 15,12% estaría en segundo lugar e a recolleita silvestre, castaña, sería a terceira, con 12,45%. Estas tres producións representan o 82,58% da produción certificada.