jueves, 30 de abril de 2026
A Denominación de Orixe Protexida (DOP) Queixo Tetilla agrupa a máis de 1.800 produtores e 38 elaboradores, que producen anualmente preto de 1.500 toneladas de queixo, cun valor económico próximo aos 9 millóns de euros. Asà o destacou a directora xeral de GandarÃa, Agricultura e Industrias Agroalimentarias, Belén do Campo, na inauguración do I Encontro de bloggers gastronómicos desta DOP, que se celebra en Santiago.
A directora xeral pediulles aos blogueiros a súa “complicidade como divulgadores” para poñer en valor non só o queixo Tetilla senón, en xeral, todos os produtos agroalimentarios galegos.
Neste sentido, Belén do Campo indicou que “en Galicia temos a sorte de contar con infinidade de produtos de calidade, entre os que destaca o máis rico leite”, co que se elaboran os “afamados” queixos, que contan con recoñecementos de calidade como as denominacións de orixe protexidas (ademais de Tetilla, en Galicia teñen este selo os queixos Arzúa-Ulloa, Cebreiro e San Simón da Costa).
Na súa intervención neste acto, a directora xeral salientou ademais que a gastronomÃa galega constitúe un dos principais atractivos da nosa Comunidade. Esta cultura culinaria, engadiu, é posible grazas a que “os produtos galegos teñen as súas propias peculiaridades, cociñados de forma familiar e artesanal, pausada, abundante e variada”.
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuÃto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
