martes, 28 de abril de 2026
Estes datos coñecéronse hoxe coincidindo coa participación do conselleiro de Emprego, Comercio e Emigración, José González, no encontro celebrado en Marín coas lanzadeiras de emprego do programa Hubs de activación da empregabilidade, impulsado pola Fundación Santa María la Real co cofinanciamento do Fondo Social Europeo Plus (FSE+) da Xunta de Galicia e a colaboración do Concello de Marín. De feito, nesta cita tamén estivo o secretario xeral de Emprego e Relacións Laborais, Pablo Fernández; a alcaldesa de Marín, María Ramallo, así como representantes da Fundación Santa María la Real e participantes nas lanzadeiras.
Alí o conselleiro expuxo que iniciativas como as lanzadeiras de emprego contribúen á evolución do mercado laboral. Nesta liña, púxoas como exemplo dos froitos da colaboración público-privada, xa que desde o seu inicio en xaneiro ata xuño as persoas participantes desenvolven actividades para reactivar a busca de emprego e mellorar a súa empregabilidade con novas técnicas e tendencias de mercado.
En concreto, o programa é gratuíto e semipresencial e está dirixido a persoas desempregadas maiores de 18 anos, de diferentes niveis formativos e pertencentes aos colectivos prioritarios para a Xunta de Galicia, como os parados de longa duración, persoas mozas, mulleres, persoas con discapacidade galegos retornados, inmigrantes, entre outros. Neste sentido, o conselleiro puxo en valor a formación específica e asesoramento especializado que se brinda aos participantes aos que tamén se dota de cualificación en competencias transversais demandadas polo mercado, entre elas habilidades dixitais e competencias verdes.
As lanzadeiras
En canto ás lanzadeiras do programa, Marín acolle a Lanzadeira de Emprego Nómade, que se completa coa na Lanzadeira de Emprego Activa e a Lanzadeira de Emprego Despega, que alberga a sede do Centro de Orientación ao Emprendemento, na Coruña. Deste xeito, polo programa xa pasaron 30 persoas en desemprego de distintos niveis formativos.
As lanzadeiras desta edición, expuxo José González, permitirán afianzar os resultados das anteriores. Nelas participaron un total de 130 persoas, que recibiron acompañamento ao longo de todo o proxecto en competencias dixitais e en competencias verdes, mediante sesións online e webinarios, entre outros. Desas persoas, preto dun 60% obtivo un emprego por conta allea e máis dun 10% comezou una formación regrada.
Pulo ao talento interno
Esta medida enmárcase na estratexia que desenvolve a Xunta para mellorar as oportunidades laborais das persoas desempregadas que buscan traballar. Unha estratexia, explicou o conselleiro, que pon o foco na retención e aproveitamento do talento de colectivos prioritarios ou infrarrepresentados no mercado laboral e en atender a retos globais como o da cobertura de vacantes. Neste ámbito salientou a aposta galega pola formación flexible e adaptada a todos os perfís e ás necesidades do tecido produtivo co fito do decreto de microcredenciais para o emprego que xa está en vigor e se implantará de xeito progresivo ao longo dos vindeiros meses. Tamén apoios á formación flexible e outros como os destinados aos novos obradoiros duais, dos que proximamente se lanzará
unha nova convocatoria dirixida a concellos por 8,2 M, coa que se prevén 16 accións de 9 meses de duración para máis de 320 persoas, tras resolverse a primeira con 82 achegas concedidas en beneficio dunhas 1.700 persoas.
Foron presentadas as xornadas Galicia Biodays, que buscan posicionar Galicia como un territorio de referencia en innovación biotecnolóxica no ámbito internacional. Este evento vaise celebrar os días 6 e 7 de maio no Auditorio Mar de Vigo, e permitirá reforzar a marca Galicia Calidade en biotecnoloxía, fomentar o intercambio de coñecemento e establecer novas colaboracións científicas, empresariais e institucionais. Está previsto que asistan máis de 1000 persoas de 9 biorrexións convidadas, con máis de 130 relatores.
Alfonso Rueda informou de que o Consello deu conta do inicio da tramitación do anteproxecto da que será 'a primeira Lei do terceiro sector da acción social de Galicia'. Unha norma que busca 'unificar nun único texto legal a regulación deste eido e recoñecer de xeito formal o seu traballo e o papel que xogan as entidades na sociedade galega'. A necesidade de aprobar esta lei xustifícase na importante presenza destas entidades en Galicia, preto de 1.500, -que constitúen 'unha auténtica rede de solidariedade', segundo resaltou a conselleira de Política Social e Igualdade, Fabiola García-, para apoiar as persoas e fogares máis vulnerables.
