viernes, 6 de noviembre de 2026
Logo de reiterar o seu máximo respecto ás actuacións xudiciais e ás decisións internas dos demais grupos políticos, Puy afirmou que estamos vivindo unha época na que se está condicionando en exceso a vida política ás actuacións xudiciais.
Cando un leva tempo defendendo e incluso criticando a outras forzas políticas por atoparse nunha situación xudicial, ao final pasan estas cousas, sinalou o portavoz popular en relación á situación do secretario xeral do PSdeG. Por este motivo, fixo unha chamara á racionalidade, porque as investigacións xudiciais rematan de moitas maneiras e, salvo que un teña a absoluta certeza de que se cometeu un acto impropio ou de corrupción desde a esfera política, todos deberíamos ser consecuentes cos principios xerais do sistema democrático.
Así mesmo, Puy considerou necesario e garantista dunha boa xustiza que os asuntos xudiciais se resolvan con celeridade, pero engadiu que cando estamos a falar de persoas que exercen cargos públicos sería bo que tamén comezásemos a ver que algúns destes procedementos chegan a súa conclusión canto antes.
Cuestionado sobre a continuidade de Feijóo á fronte do PPdeG e como candidato á Xunta, Pedro Puy reiterou que sería a mellor decisión para o partido e para Galicia. Hai unha coincidencia ampla no conxunto do partido e mesmo na sociedade neste sentido, polo que calquera outra valoración que non sexa esperar, con certo e razoable optimismo, que Feijóo vai a ser o candidato que se vai presentar ao congreso e despois ás eleccións autonómicas non é nin o momento nin realista plantexalo, engadiu.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
