viernes, 6 de noviembre de 2026
O BNG reitera a súa petición ao PP de cesar ao presidente da Deputación de Ourense, José Manuel Baltar, e seguirá a esixir explicacións no ente provincial, unha vez coñecidas as novidades do denominado caso Baltar en relación á denuncia dunha muller que acusa ao dirixente popular de ofrecerlle traballo a cambio de sexo, no que podería ser un suposto caso de acoso sexual.
Á espera de coñecer máis datos, o Bloque entende que a citación á vítima pode sentar un precedente negativo para todas aquelas mulleres que poidan estar sufrindo algún tipo de violencia machista e valorando a posibilidade de denunciar aos seus agresores. Na práctica sitúase publicamente á denunciante como acusada o que pode transmitir unha mensaxe de desprotección cara as potenciais vítimas.
O representante nacionalista na Deputación, Ramiro Rodríguez Suárez, lembra que o Bloque leva décadas denunciando o uso fraudulento das institucións ourensás por parte do clan Baltar, practica que quedou publicamente demostrada como habitual nas gravacións que deron pé ao coñecemento público desta cuestión. Desde o BNG reiteramos que cómpren responsabilidades políticas, que as prácticas corruptas de José Manuel Baltar están demostradas e, polo tanto, no merece estar ao fronte dunha institución, alegou.
Así mesmo, o Bloque lamenta que durante estes meses o Partido Popular mantivese, tanto na Deputación como no Parlamento galego, a negativa a dar explicacións ou aceptar as peticións do BNG de abrir unha investigación por incumprir a Lei galega de violencia de xénero, nunha actitude que proba da falta de respecto ás mulleres.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
