Archivo (4 del 2022)

Galicia vai reforzar os contidos humanísticos nos currículos educativos coa incorporación da Historia anterior a 1812 en Bacharelato, cuestión que o Goberno do Estado obviou introducir nos textos e que a Xunta considera fundamental no desenvolvemento académico do alumnado, e que se compaxinará co impulso das competencias STEM (Ciencias, Matemáticas e Tecnoloxía).

O Camiño de Santiago rexistra bos datos unha vez superadas as restricións pola pandemia, como o demostra o feito de que só na primeira fin de semana de abril se rexistraran máis peregrinos que en todo o mes de abril do ano pasado. De feito, entre o día 1 e 4 do mes de abril recolleron a Compostela algo máis de 1.600 peregrinos, cando en todo abril do 2021 rexistráronse pouco máis de 1.000.

Na terceira semana de marzo as descargas e a facturación nas lonxas caeron nun 60% con respecto á mesma semana de 2019. O prezo dos combustibles supón de media un 14% dos custes de explotación dos buques de pesca, variando entre o 7% na frota de baixura e o 22% no caso dos arrastreiros de altura, cuestión que se ve alterada seriamente coa suba do seu prezo.