Buscador
Noticias
A presidenta do Congreso dos Deputados, Ana Pastor, e a secretaria de Estado de Turismo, Matilde Asián, asistiron a esta acción promocional que presenta Galicia como destino enoturístico para gozar todo o ano coa chef Lucía Freitas, a enóloga Cristina Mantilla e as artesás Montse Liñares, Idoia Cuesta, Paula Ojea, Elena Ferro e as redeiras da Illa da Estrela de Corme.
Os documentos cedidos pola familia Baltar Tojo completan os fondos que custodia o arquivo das diversas xuntas e deputacións constituídas en Galicia a comezos do século XIX. Os libros están accesibles no Arquivo Dixital e destaca o seu valor patrimonial para a investigación e historia de Galicia.
Sesión DJ, petiscos e viño para unha descuberta diferente, distendida e á noitiña das exposicións Flor Novoneyra e Da árbore á cadeira coa intención de crear un ambiente de relax no que serán guiados. Os participantes terán a oportunidade de experimentar eles mesmos coa arte coa técnica do láser-grafiti. As Nocturnas propoñen uns venres noite de ocio, música pero sobre todo, moita arte.
O centenario do actor coruñés conmemórase cun ciclo dunha vintena das súas películas máis representativas programadas como apertura da temporada 2017-2018. A filmoteca celebra os 60 anos da Nouvelle vague francesa facendo un repaso a toda a historia da filmografía gala, con clásicos dos anos vinte aos nosos días.
O titular da Xunta asistiu, no estaleiro Freire, ao acto de entrega do buque escola N/C 705 K.R.I Bima Suci para o Ministerio de Defensa da República de Indonesia. Feijóo afirma que a actual carteira de pedidos constata a aposta do naval galego pola diversificación e a innovación como tarxeta de presentación e imaxe de marca.
Turismo de Galicia celebra esta candidatura ao recoñecer o enorme potencial enoturístico da Comunidade galega vencellado coa gastronomía e a paisaxe. Os gañadores dos premios da publicación Wine Enthusiast, considerada como unha das revistas de viños máis influentes de Estados Unidos, coñeceranse en xaneiro de 2018.
Presentouse a ronda galega que se celebra do 14 ao 17 de setembro nun total de catro etapas en Monforte, Lalín e Santiago de Compostela. A responsable do deporte na nosa Comunidade gabou unha proba que naceu en 1933 e que xa se quedou para sempre no calendario deportivo de Galicia.
O secretario xeral do PPdeG. Miguel Tellado, anunciou que en cada unha das cidades galegas o PPdeG poñerá en circulación o seu propio xornal, en papel, co que pretendemos chegar aos veciños. Di que o PPdeG é o único partido capaz de ofrecer un programa propio en cada cidade pero coherente cunha formación política unida.
Carla Simón presenta a súa ópera prima, Estiu 1993, en dúas sesións o xoves día 14 de setembro, ás 18 e ás 20,30 horas, como apertura da nova temporada 2017-2018 no CGAI. Os premiados na última edición de Novos Cinemas, a cantautora Silvia Penide e o centenario de Fernando Rey marcan tamén o inicio do curso.
O BNG organiza un acto simbólico diante do Museo Xelmírez para reivindicar a devolución ao patrimonio público as esculturas de Abraham e Isaac expostas na mostra adicada o Mestre Mateo, no Museo da Catedral de Santiago e califica de "vergoña democrática que os Franco sexan propietarios de dúas esculturas do Pórtico da Gloria" da catedral compostelana.
