Notas de prensa

O PPdeG poñerá en circulación o seu propio xornal, en papel, en cada cidade da Comunidade galega

O secretario xeral do PPdeG. Miguel Tellado, anunciou que en cada unha das cidades galegas o PPdeG poñerá en circulación o seu propio xornal, en papel, “co que pretendemos chegar aos veciños”. Di que o PPdeG é o único partido capaz de ofrecer un programa propio en cada cidade pero coherente cunha formación política unida.

O secretario xeral dos populares galegos, Miguel Tellado, asegurou que o PPdeG é o único partido da Comunidade que pode presentarse unido ante os cidadáns e en toda Galicia cun programa de goberno propio para cada cidade á vez que coherente entre todas elas.

“Nós non estamos en liortas internas para ver quen é o que máis alto é capaz de dicir ‘no es no’, tampouco temos aos nosos alcaldes nin ás nosas figuras históricas conspirando contra o noso líder, nin estamos intentando imitar a nacionalismos fracasados despois de ter o peor resultado da nosa historia”, engadiu Tellado antes de remarcar que “o Partido Popular de Galicia é un partido de goberno, que se prepara para volver a ser goberno nos nosos concellos. Onde xa o somos e onde non”.

Ao respecto, o secretario xeral anunciou que, nos vindeiros días, en cada unha das cidades galegas o PPdeG poñerá en circulación o seu propio xornal, en papel, “co que pretendemos chegar aos veciños”.

Así, durante unha rolda de prensa celebrada trala súa reunión co Comité de Cidades, Tellado afirmou que “este xornal servirá, alá onde somos oposición, para desenmascarar a parálise e as carencias na xestión dos gobernos populistas, dos socialistas e dos nacionalistas; e contrapoñela cos nosos proxectos de cidade inspirados na seriedade, a sensatez e o rigor”. Do mesmo xeito, engadiu que tamén servirá, “alá onde somos goberno, para reivindicar que outro xeito de gobernar é posible. Desde a moderación, desde a preocupación polos cidadáns, e desde o falar pouco e facer moito”.

O secretario xeral apuntou que o xornal quere aportar unha visión fresca e diferente da realidade municipal pero, sobre todo, seguir pegado á rúa e á xente. Ademais, precisou que cada agrupación local decidiu os seus contidos, e tamén decidirá cando e como presentalo.

Por outra banda, o número dous do PPdeG tamén se referiu ao acontecido nos últimos días en Cataluña, asegurando que, ante o desafío secesionista, “desde o Partido Popular de Galicia gustaríanos que se sacase unha lección sobre a importancia de ter un goberno autonómico centrado, moderado e preocupado por resolver os problemas dos cidadáns, non en crearlles novos problemas”.

Nese senso, incidiu en que “fronte unha Cataluña cun déficit desbocado, temos unha Galicia que crece controla as súas contas; fronte unha Cataluña centrada en crear fronteiras e facer propaganda independentista, temos unha Galicia que se quere abrir ao exterior e centrada en que a nosa economía creza e os nosos servizos sociais melloren cada día”. “En definitiva, fronte a unha Cataluña cuxo goberno está secuestrado por unha minoría radical, en Galicia hai unha maioría clara que lle dá estabilidade ás nosas institucións”, remarcou.

“Nós temos moi claro cal é o modelo que defendemos, e sabemos que a gran diferenza entre os gobernos destas dúas nacionalidades históricas son os partidos que as lideran. O que nos preocupa é que a oposición sexa ambigua porque debería estar ao lado do Goberno”, concluíu Tellado.

Gabinete de Comunicación do PPdeG, 2017-09-08

Actualidad

Foto del resto de noticias (CatasdeGalicia_gala.jpg) Los viticultores, bodegueros, enólogos y sumilleres más distinguidos de Galicia se dieron cita en el Parador de Santo Estevo de Ribas de Sil para asistir a una nueva edición de las Catas Oficiales de Vinos y Aguardientes de Galicia, el evento más importante para el sector vitivinícola de la comunidad. A través de este veterano certamen, la Consellería do Medio Rural buscaba nuevamente identificar y premiar a los mejores caldos elaborados fundamentalmente con uvas de variedades autóctonas, dotados de un carácter único y una personalidad reconocible. Para esta trigésima Cata de Vinos de Galicia se batían todos los records en cuanto a número de inscritos, con 363 muestras finales de blanco y tinto.
Foto de la tercera plana (gandaria_2.jpg) A comisión territorial de seguros agrarios reuniuse hoxe na Consellería do Medio Rural e valorou os avances neste ámbito en Galicia. Entre os datos destacados, a directora xeral de Gandaría, Agricultura e Industrias Agroalimentarias, Belén do Campo, sinalou os cinco millóns de euros que este ano achegaranse para subvencionar as distintas liñas de seguros en Galicia. Trátase da cantidade máis alta dos últimos seis anos. De feito a Xunta de Galicia fixo un importante esforzo para compensar a baixada de 10 puntos porcentuais que aplicou o Ministerio a todas as liñas de seguro agás a retirada de cadáveres.

Notas

O Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) organizan desde finais de xullo ata setembro un total de 30 xornadas sobre robótica, pilotaxe de drons e creación de personaxes para videoxogos enmarcadas no programa “Tech Kids” para fomentar o interese pola ciencia e a tecnoloxía entre a mocidade galega.
A Rede Galega de Música ao Vivo (RGMV) inicia mañá a nova programación para o segundo semestre do ano con dous concertos de verán, que terán lugar na sala A Ventana de Laxe, onde actuará o grupo feminino Ejazz ás 23,30 h., e no Náutico do Grove, no que soará a homenaxe ao rock hispano dos anos 60 a cargo de Los Mecánicos a partir da medianoite. Ambas citas, programadas en locais a carón da praia como parte da oferta cultural galega.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania