Notas de prensa

As Nocturnas, música e arte para os venres noite de outubro no Museo Gaiás

Sesión DJ, petiscos e viño para unha descuberta diferente, distendida e á noitiña das exposicións ‘Flor Novoneyra’ e ‘Da árbore á cadeira’ coa intención de crear un ambiente de relax no que serán guiados. Os participantes terán a oportunidade de experimentar eles mesmos coa arte coa técnica do láser-grafiti. As Nocturnas propoñen uns venres noite de ocio, música pero sobre todo, moita arte.

O Museo Centro Gaiás, da Cidade da Cultura de Galicia, convida os venres noite de outubro a unha descuberta diferente, distendida e vinculada co lecer das grandes exposicións que acolle: Flor Novoneyra e Da árbore á cadeira. E faino a través do programa As Nocturnas, nas que a música e arte visten e acompañan a estas visitas comentadas.

Deste xeito, as noites do 6, 13, 20 e 27 de outubro, o Museo Centro Gaiás abrirá as súas portas nun horario pouco habitual, á caída da noite, ás 21 horas, para recibir os participantes das Nocturnas cunha sesión DJ, petiscos e viño, cortesía de Galicia Calidade. A intención é crear un ambiente de relax no que serán guiados pola respectivas exposicións: Flor Novoneyra, os dous primeiros venres; e Da árbore á cadeira, os dous últimos do mes.

As Nocturnas propoñen uns venres noite de ocio, música pero sobre todo, moita arte, incluída a de todos os asistentes, xa que terán a oportunidade de experimentar con ela, ao ofrecérselle a posibilidade de facer a súa propia creación con láser-grafiti. Trátase dunha técnica que permite ‘pintar’ sobre a parede cun punteiro láser, coa cor e textura que se desexe a modo de spray.

As nocturnas con Flor Novoneyra e Da árbore á cadeira

As Nocturnas arrancan o primeiro venres de outubro, día 6, vinculadas á exposición Flor Novoneyra. Esta descuberta singular --polo modo e a hora-- da exposición que une dous grandes da cultura galega como son Antón Lamazares e Uxío Novoneyra verase reforzada pola oportunidade que terán os asistentes de coñecer a mostra da man do mesmo equipo que a comisariou: Uxío Novoneyra fillo e a comisaria, María Díaz. Esta experiencia única repetirase ao seguinte venres, día 13.

A seguinte quenda das Nocturnas serán os últimos venres de outubro, os días 20 e 27, e terán como protagonista a exposición Da árbore á cadeira, toda unha viaxe emocional e patrimonial polos bosques autóctonos de Galicia, as súas madeiras, e os oficios tradicionais e de deseño de mobles vinculados a elas.

O percorrido desta visita orixinal e única coa chegada da noite comezará nos propios bosques galegos, baixo a ollada de fotógrafos como Manuel Vilariño, Vari Caramés, Xosé Caruncho, Juan de la Sota ou Juan Rodríguez; grandes artistas plásticos como Castelao, Seoane, Maside e figuras contemporáneas como Pamen Pereira ou Jorge Perianes. Nunha segunda etapa deste percorrido, a exposición ofrece unha viaxe polo deseño desde os pioneiros (Isaac Díaz Pardo, Alejandro e Jesús de la Sota e Xosé Bar Bóo) ate os contemporáneos, entre os que se atopan moitos dos grandes arquitectos e deseñadores galegos, como Manuel Gallego Jorreto, Irisarri e Piñera, Noguerol e Díaz, Iago Seara, Carlos Quintás, Creus e Carrasco, Tomás Alonso, Elías Cueto, Lucía Buceta ou Iñaki Leite.

Esta viaxe emocional será máis sensitiva aínda grazas ao ambiente distendido e de relax que se conseguirá coa música axeitada para o momento, con espazo para o lecer e a conversa, acompañado de petiscos e viño que farán das Nocturnas un acubillo de creación, ritmos e expansión para as primeiras noitiñas do outono.

Gabinete de Comunicación da Xunta de Galicia, 2017-09-13

Actualidad

Foto del resto de noticias (philippe_garrel.jpg) Las aportaciones cinematográficas de João Moreira Salles y de Philippe Garrel sobre el Mayo del 68 se incorporan al amplio ciclo que el Centro Galego de Artes da Imaxe (CGAI) - Filmoteca de Galicia ofrece durante este mes en su sede de A Coruña. La primera de estas sesiones seproyectará mañana martes, 'En el intenso ahora', de Moreira Salles, título que abre la retrospectiva del brasileño realizada en colaboración con el festival DocumentaMadrid. El reciente film analiza los hechos ocurridos en París y cómo fueron percibidos e impactaron en otras culturas y latitudes, con la visión que ofrece medio siglo de perspectiva.
Foto de la tercera plana (gadisa.jpg) Gadisa ha superado por primera vez la barrera de los 7.000 empleos alcanzando una plantilla de 7.212 trabajadores a cierre de 2017. La compañía ha generado 321 puestos de trabajo directos en un ejercicio en el que ha registrado un crecimiento de su cifra de negocio del 3,7% hasta obtener los 1.140 millones de euros. La creación de empleo está directamente relacionada con la ejecución del plan de aperturas y ampliación de supermercados, que también ha propiciado un incremento de 8.266 m2 en la superficie de establecimientos propios.

Notas

La directora general de Calidad Ambiental y Cambio Climático, Cruz Ferreira Costa, avanzó esta mañana que en Galicia se reciclaron más de 58.000 toneladas de envases domésticos, un 2% más que en el año anterior. De este modo, nuestra comunidad sigue avanzando de la mano del reciclaje de envases que se depositan en el contenedor amarillo y azul hacia una sociedad más circular.
O próximo mércores ás 20:00h. terá lugar no auditorio do Centro Cultural Cárcere Vello de Lugo, o acto de presentación do libro CO2, de Isidro Novo. Trátase da última obra publicada en vida por Isidro Novo e que por circunstancias que teñen que ver coa súa saúde e, infelizmente, co seu pasamento, non se puido presentar cando estaba previsto. No acto intervirán Carmen Basadre, concelleira de Cultura do concello de Lugo e Francisco Macías, responsable de Positivas, editora do libro.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania