Buscador
Noticias
Control Z, CTV, Ficción Producciones, Filmanova, Maruxiña Films, Portocabo, Produtora Faro, R, Treeline Distribution, Voz Audiovisual e Zenit TV participan na que é a meirande feira mundial para a compra-venda de contidos televisivos, a 27ª edición do mercado MIPCOM, en Cannes.
Xesús Alonso Montero, presidente da Real Academia Galega (RAG), presentou una nova mirada sobre a recepción que tivo a obra de Cervantes entre sectores non afíns ao Réxime durante a Guerra Civil e os primeiros anos do franquismo. Na Universidade compostelana, contrapuxo as figuras de Cervantes e Juan Palomeque.
Turismo de Galicia mantén xuntanzas de traballo cos principais operadores italianos, especializados nesta modalidade turística. O turismo de Italia, que xa supón o segundo mercado emisor internacional máis importante logo de Portugal, medrou un 3,5% no nº de viaxeiros aloxados nos oito primeiros meses do ano.
O Consello da Cultura Galega (CCG) promove un encontro de especialistas o 18 de outubro en Santiago de Compostela para debatir sobre a Responsabilidade Social Corporativa en galego. Ademáis de visualizar o panorama xeral, a xornada centrarase na incorporación da RSE en galego como estratexia de xeración de valor para os grupos de interese.
O grupo austríaco de música antiga e o tenor Wilfried Rogl actúan no pazo de Mariñán, en Bergondo. Ofrecen pezas para laúde de autores coetáneos de William Shakespeare que musicaron textos do escritor, do que se cumpre o cuarto centenario da morte.
A Comisión de Normalización Lingüística da Facultade de Ciencias da Educación da USC, co apoio do Servizo de Normalización Lingüística, organiza un obradoiro de seis horas para explorar as posibilidades didácticas e como ferramenta de normalización do baile tradicional e, máis concretamente, da muiñeira.
O alcalde de Santiago participou nun acto organizado polo Concello de Lugo no marco das festas de San Froilán para poñer en valor o Camiño Primitivo. Martiño Noriega foi un dos rexedores convidados a facer un percorrido por un tramo desta ruta, entre a Porta de San Pedro e a Porta Miñá.
O prazo para a presentación de orixinais rematará o 24 de outubro, entre os que se outorgarán 3 premios de 1.000, 800 e 500 euros. Tanto alumnado como ex alumnado da USC e persoal docente e investigador e de administración e servizos son os destinatarios da cuarta edición do Certame de Fotografía Ruth Matilda Anderson.
A USC repite por décimo ano entre as 500 mellores universidades no eido da produción científica. O National Taiwan University Ranking (NTU Ranking) é unha clasificación internacional baseada en indicadores obxectivos que se empregan para medir o rendemento da produción científica das universidades.
O Goberno galego colabora desde 2009 coa ONGD para atender as necesidades máis urxentes das poboacións afectadas por catástrofes naturais e humanas. Procederase á adquisición de artigos de primeira necesidade como kits de alimentos, auga en botella, kits hixiénicos, mantas e mesmo mosquiteiras, según a Xunta.
