domingo, 25 de octubre de 2026
Nota de prensa remitida por el Gabinete de Comunicación de la Xunta de Galicia:
O Salón Teatro de Santiago recibe á compañía A Panadaría coa programación dos dous espectáculos realizados ata agora polo trío escénico que integran as actrices galegas Areta Bolado, Noelia Castro e Ailén Kendelman. Así, do mércores 17 e ata o venres 19 de febreiro, ás 20.30 horas, porase en escena Pan! Pan!, en tanto que o sábado (20.30 h) e o domingo (18.00 h) representarase Panamericana.
O público poderá achegarse deste xeito ao traballo desta nova compañía a través das producións que teñen realizado na súa breve aínda que recoñecida traxectoria sobre os escenarios. Os espectadores gozarán do seu estilo persoal, que pasa pola creación colectiva, pola utilización do humor nun primeiro plano, pola interpretación de múltiples personaxes e pola inclusión de números musicais en directo.
De feito, Pan! Pan! é unha parodia con música vocal en directo sobre os westerns americanos. Conta a historia de Harry, un cowboy que viaxa perseguindo un indio salvaxe que lle roubou a súa muller, da que está profundamente namorado. Na posta en escena, as tres intérpretes constrúen oito personaxes, cinco espazos e toda a música do espectáculo, axudadas só por unha bandeira dos EE.UU. A comedia fai unha caricatura dese mundo sen lei dos ranchos vaqueiros, das fedorentas cantinas e dos desertos cheos de perigos. Como nunha película do Far West, en Pan! Pan! hai whisky, balas e country. E amor e vinganza a partes iguais.
Este espectáculo recibiu o Premio da Crítica Galicia 2015, así como o primeiro premio Xuventude Crea 2013. Tamén Areta Bolado obtivo o Premio María Casares 2015 á Mellor Actriz Secundaria.
Segundo a define a compañía, Panamericana é unha comedia con sabor a guiso tropical, un musical no que tres actrices interpretan 24 personaxes. Entre eles, Miranda Celia del Río, unha artista de éxito no seu país, Panamérica, que a presión da fama fai que fuxa na procura dunha vida mellor. A súa escapada remata na Provincia, unha vila na que se terá que enfrontar ao seu labiríntico e absurdo aparello burocrático, sanitario e financeiro.
Con esta montaxe, A Panadaría fainos pensar se este mundo é como é ou como nós o percibimos. Panamericana fala dun sistema perverso e dos soños rotos dende unha óptica optimista e divertida.
Ademais destes dous espectáculos, A Panadería estivo tamén onte no escenario do Salón Teatro para abrir o acto de presentación da convocatoria dos III Premios Martín Códax da Música con Acuófono, unha pequena acción escénico-musical realizada con botellas e rollas de viño.
As entradas para asistir a Pan! Pan! e a Panamericana están xa á venda a través da billeteira electrónica entradas.abanca.com e tamén se poderán mercar a partir de mañá na billeteira do Salón Teatro desde dúas horas antes do comenzo das funcións. O prezo é de 10 euros de mércores a domingo (cos descontos habituais) e de 5 euros para o domingo, Día do Espectador.
Más información y fotografía en: http://apanadaria.es/#
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
