domingo, 25 de octubre de 2026
Nota de prensa remitida por el Gabinete de Comunicación de la Xunta de Galicia:
O secretario xeral de Cultura, Anxo Lorenzo, participou nos actos programados pola Fundación Eduardo Pondal, en Ponteceso, para conmemorar o 181º aniversario do escritor.
Alumnos e alumnas de educación infantil do CEIP Eduardo Pondal de Ponteceso, vila natal do escritor, compartiron esta celebración, que contou con diversas actividades para lles achegar aos nenos e nenas a través da música e da palabra a figura e a obra do poeta.
A Consellería de Cultura e Educación vén colaborando coa Fundación Eduardo Pondal na programación cultural desenvolvida pola entidade para a difusión e posta en valor dun dos poetas máis sobranceiros da literatura galega.
Más información en:
http://bvg.udc.es/ficha_autor.jsp?id=EduGonz%E1
https://www.facebook.com/fundacion.eduardopondal
http://www.eduardopondal.org/es/a-casa-da-muller/
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
