domingo, 25 de octubre de 2026
Nota de prensa remitida por el Gabinete de Comunicación de la Xunta de Galicia:
A estratexia dixital na difusión da actividade das compañías galegas será o obxecto dun seminario que terá lugar no marco da terceira edición de Galicia Escena PRO, o mercado das artes escénicas que a Axencia Galega das Industrias Culturais (Agadic) desenvolverá en Santiago de Compostela do 3 ao 6 de novembro.
Un total de 25 profesionais do sector participarán neste encontro, que terá lugar o martes día 3 e para o que a Agadic conta coa colaboración da Coordinadora de Ferias de Artes Escénicas del Estado Español (Cofae). O obxectivo é achegarlles ás compañías escénicas unha serie de ferramentas e técnicas que lles permitan optimizar de xeito inmediato a súa estratexia de marketing e comunicación dixital, así como a medición dos seus resultados.
Para tal fin, contarase con Pepe Zapata, socio da consultora Teknecultura, quen combinará a explicación de metodoloxías e ferramentas coa análise de boas prácticas e a resolución dun caso práctico. Xestor cultural, filólogo e experto en dirección de empresas e social media, Zapata conta cunha ampla traxectoria vinculada á promoción e difusión cultural como director de Marketing e Comunicación do Mercat de les Flors de Barcelona entre 2009 e 2014, xestor cultural na Universitat Pompeu Fabra ou técnico de asesoramento comercial en diferentes entidades. Tamén está vinculado ao sector das artes escénicas como actor profesional, produtor e tradutor.
Con este 'Seminario de estratexia dixital para compañías de artes escénicas', Galicia Escena PRO dá continuidade ás accións de formación continua para profesionais do sector que puxo en marcha na edición de 2014 co taller 'Venderse nun ascensor', durante o que se facilitou unha serie de modelos de venda e de presentación rápida e efectiva dos seus proxectos e producións.
Neste sentido, o programa complementario á carteleira de exhibición de espectáculos desta terceira edición inclúe unha sesión de presentacións de proxectos en formato 'pitching'. A través dela, un total de 15 compañías galegas contarán cun máximo de seis minutos en cada caso para lles avanzar os seus novos proxectos aos programadores asistentes mediante unha exposición oral que pode contar tamén con apoio audiovisual.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
