sábado, 18 de abril de 2026
Notas de prensa del Gabinete de Comunicación del PSdeG:
O portavoz do Grupo Socialista, José Luis Méndez Romeu, cualificou de sarcasmo que Feijóo fale agora de combater ás desigualdades cando as ten provocado ata o extremo. Así o dixo na rolda de prensa posterior á Xunta de Portavoces previa ao debate do Estado da Autonomía que se celebrará na vindeira semana.
O responsable socialista advertiu que eludirá debater sobre señuelos do goberno na dita convocatoria, un debate no que se centrará en contrapoñer a realidade duns galegos e galegas que hoxe están peor que en 2009 cos anuncios idílicos e declaracións pomposas do goberno galego. Galicia non vai ben, resumiu, xa que tódolos indicadores sociais e económicos revelan un comportamento moito peor que no resto do Estado.
Lamentou que o presidente da Xunta se limite a tapar que carece de política de dereitos sociais e igualdade cambiando estas políticas por parches e beneficencia, que pouco poden facer contra un mercado laboral en serio deterioro e precarización, e as prestacións sociais desmanteladas polas políticas de Feijóo.
O responsable socialista abordou tamén os recentes cambios no goberno galego, que cualificou de cosmética preelectoral, por canto non van acompañados de cambios nos Orzamentos ou condutas novidosas. Méndez romeu criticou que, grazas ás políticas fiscais de Feijóo, en Galicia as rendas medias e baixas pagan hoxe mais impostos que a media estatal, mentres as rendas altas pagan menos que a media.
Criticou así o anuncio dunha rebaixa parcial do IRPF que non beneficiará ás rendas mais baixas excluídas de presentar o imposto- logo dunha reforma fiscal en beneficio das rendas mais altas. Ademais, engadiu, o anuncio agocha deliberadamente que De Guindos ten pactado en Bruxelas unha nova batería de recortes sociais e de prestacións para o mes de xaneiro.
Acusou ao presidente da Xunta de utilizar ao goberno galego como xoguete ao servizo das necesidades conxunturais do PP, xa que procede agora a segregar consellerías previamente unificadas, pero sen unha estrutura racional nin modificación orzamentaria.
Así, desmonta a Consellería de Medio Ambiente, Territorio e Infraestruturas, chamada a ser motor do desenvolvemento e convertida nun departamento irrelevante dende o punto de vista dos investimentos. Por unha parte unifica Infraestruturas e Vivenda, cando en 2015 non hai unha soa actuación de vivenda nova e logo de facer desaparecer literalmente a política de vivenda pública.
Por outra parte, crea a Consellería de Medio Ambiente e Ordenación para darlle acubillo á anterior conselleira de Traballo e Benestar, abrasada e incapacitada nun departamento do que tivo que saltar porque non tiña resultados. Preguntou ademais ao presidente da Xunta si non ten escoitado o clamor do sector da pesca contra a conselleira que se empeña en manter, aínda que retirándolle a responsabilidade sobre o Medio Rural.
Finalmente, alertou sobre o nomeamento, á fronte da nova Consellería de Política Social, de quen fora presidente da Fegamp, un órgano dende o que ou non quixo ou non foi quen de darlle traslado ás peticións feitas por tódolos alcaldes de tódalas cores políticas críticas contra as decisións dos gobernos central e autonómico.
Contra a violencia
Os socialistas galegos queren facer pública a súa máis enérxica condena polos tres últimos asasinatos machistas en España, un deles en Vigo. Dende a secretaría de Igualdade do PSdeG, a súa responsable, Eva Martínez, manifesta o rexeitamento absoluto das mulleres e homes do Partido Socialista e a profunda dor e indignación por unha violencia machista que, lonxe de erradicarse ou diminuir polo menos, está cada día máis presente na nosa sociedade. Onte, ademais das tres vítimas mortais, a violencia de xénero deixou tamén en Zamora unha muller ferida de gravidade.
Os datos de Galicia son dramáticos no que vai de ano, con catro mulleres asasinadas e dúas nenas; isto coloca a Galicia como unha das comunidades cun maior índice de vítimas mortais máis elevado de España e, polo tanto, debe obrigar ás administracións a poñer un maior empeño nas políticas de loita contra a violencia de xénero, afirma.
A este respecto, Martínez aseverou que non podemos tolerar máis recortes por parte da Xunta de Galicia en materia de Igualdade e, dun xeito específico, nas accións contra a violencia machista, e reclamou a reposición de todas as partidas eliminadas polo PP nos ejercicios anteriores nos Orzamentos da Xunta de 2016 que están a piques de ser presentados.
Hoxe máis que nunca facemos un chamamento á sociedade a comprometerse contra a violencia de xénero e a participar na Marcha do 7N contra a violencia machista en Madrid, dixo a secretaria de Igualdade, que lembrou que o PSdeG se suma a esta iniciativa promovida polo movemento feminista.
No caso de Galicia, a organización corre a cargo da Plataforma Feminista Galega, na que se integra o PSdeG, que nestas semanas está a presentar en todos os concellos da comunidade autónoma e deputacións unha moción de apoio e adhesión á marcha.
Fotografía: PSdeG
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
