sábado, 18 de abril de 2026
Nota de prensa remitida por el Gabinete de Comunicación de la Xunta de Galicia:
O Goberno galego, diversas entidades sociais e os concellos mantiveron en Santiago a primeira xuntanza do grupo de traballo que se encargará de coordinar o plan de apoio aos refuxiados que cheguen a Galicia.
A conselleira de Traballo e Benestar, Beatriz Mato, presidiu este encontro, no que estiveron representadas ademais do departamento que dirixe- as consellerías de Educación, Sanidade, Medio Ambiente e Infraestruturas e Vicepresidencia, a través da Dirección Xeral de Exteriores e Cooperación; a Federación Galega de Municipios e Provincias (Fegamp); e as principais ONG que traballan con refuxiados en Galicia (Cruz Vermella, Unicef, ACCEM e Cáritas).
O obxectivo é avanzar na elaboración dun protocolo de actuación que ofreza unha resposta áxil e digna á situación destas persoas. A coordinación debe ser absoluta, apuntou, xa que non se trata só de acoller, senón tamén de integrar, un obxectivo igual de importante e no que a Xunta traballará de xeito transversal.
Ademais, Mato concretou que esta coordinación debe producirse en dúas direccións: co Goberno estatal, en tanto posúe as competencias nesta materia; e entre todas aquelas entidades e institucións galegas que están en disposición de ofrecer os seus recursos e servizos.
Neste sentido, fixo un chamamento á axilizar a resposta e marcou que o obxectivo é poder contar a próxima semana cun mapa dos recursos dispoñibles en Galicia co fin de trasladarllos ao Goberno central. Así, todos os participantes déronse de prazo ata o mércores para poder ter un listado completo e unificado co fin de presentalo a Madrid o antes posible.
Fomos a primeira comunidade autónoma en ofrecer as instalacións propias e programas de acompañamento da Xunta, recordou a conselleira, quen aproveitou para eloxiar a solidariedade amosada polo pobo galego ante esta situación de emerxencia.
Fotografía: Gabinete de Comunicación de la Xunta de Galicia
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
